|
Da la Marca
Le usanse da San Martin
San Martin, primo santo no martirizà a entrar nel calendario roman, el xe 'na figura inportante in tuta Europa par la so coincidensa co i riti e le tradission ligàe ai racolti e ai lavori agrari. Par esenpio, nel so giorno in Portogalo se domava i cavali e in Germania se sbarava el lunario par marcar la fine de i contrati de fitansa.
Ne la Marca i contadini i segue tutora l'usansa de cavar dal canpo el primo masso de radici ne l'istadela de San Martin, come che ricorda la massima "A San Martin i radici i va sul cavin". Su le coline trevisane inveçe ghe jera el costume de métar al fogo el primo speo de osèi de passo e a Lughignan, paese viçin a Casal sul Sil, se magna ancora adesso i "ciòti", lugàneghe fate sù co carne de ogni parte de la bestia.
Ne la Bassa ghe xe l'uso de magnar l'oca in ossequio al proverbio: "Chi no magna l'oca a San Martin no 'l fa el bèco de un quatrin", ma dapartuto regna l'uso de conpagnar i piati de la festa col vin novo: "A San Martin se spina el vin (opur: fora el caretel del bon vin)" e "A San Martin ciapa la bala el grando e anca el picenin". Resiste anca l'uso de consumar in fameja el "samartin", un dolçe a forma de omo sul caval, che in çità el vien fato da i pastiçieri co pasta mora, confeti e ciocolatini, mentre in canpagna el ga la forma de un madajon fato co la persegada a base de pomi cogni.
San Martin, oltre che de i cavalieri, de i fanti e de i poareti, el xe anca protetor de i sposi che no ga fiòi e ne la Marca se perpetua 'na pràtica antichìssima: quela de "cavar el nome". I coniugi sensa prole i ga da andar ne la ciesa parochial de Col San Martin, dove che ghe xe 'na gran urna o teca de legno istorià, dove che se conserva un gran mucio de bilietini de carta serài co un nome da dona e uno da omo. Cavà un folieto i va a pregar a l'altar del santo, i ghe fa 'na oferta e i se inpegna a darghe chel nome al fiol che gavesse da rivar. A prima vista pararìa 'na superstission bela e bona, ma in realtà el voto el funsiona in tantìssimi casi dimostrài da copie, anca provenienti da l'èstaro, che torna a la ciesa del santo portanto co lori i fioleti tanto desiderài par farli benedir dal piovan.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Novenbre:
Editoriale
Bisogna averghe sale in zuca
Quando ca femo on sbalio o cometemo na stupidàgine, xe parché te chel momento a semo restà senza sale te la testa
de Mario Klein
Memoria viva
Arrigo Boito e Victor Hugo
te na tragedia padovana del 1500
de Gigi Vasoin
Ciàcole Visentine
L'ùltimo de i esploradori
Vénare 14 de novenbre, tien na conferensa a Sandrigo, Jacek Palkiewicz, l'esploradore polaco che ga catà in Perù le sorgenti del Rio de le Amàssoni
de Giordano Dellai
|
