|
Da Thiene (VI)
La dressa
Fare la dressa: un lavoro che serviva par ’vere qualche franco in più par sbarcare el lunario
 | A filò o in te le grande cusine, in sto lavoro gera inpegnà tuti i conponenti de ’a fameja: done, òmini e parfin i veci.
|
El materiale necessario gera la paja ricavà da la sémena del fromento de ’e quaità “mentana” e “vernisso”; el “mentana” dava un ganbo curto ma robusto e pitosto grosso, el “vernisso”, invesse, gavéa la paja più longa, fina, ma manco resistente.
Le zone più adate a la coltivassion de sto fromento gera le coline e, de conseguensa, la lavorassion de ’a dressa vigneva fata a Fara, Zujan, Mason, Molvena, Lugo, Saldeo.
I tajava le piantine in lujo, rancurà in faje par portarle a casa; la parte doparà de ’ste piantine ’ndava da soto la spiga zo fin a le foje. Sto tòco de paja se ciamava “fastugo”.
Tolte sù le faje, se scumissiava el lavoro de “smistamento”, unendo le paje de ’a stessa lunghessa; par fare questo i doparava un atresso ciamà “chija”, e dopo se faseva i massi (’na trentina de paje) tuti de ’a stessa altessa.
I massi i se meteva al sole a secare e se cavava i gropi, sudividendo ancora la paja, a seconda de ’a grossessa col “tamiso”. Se partiva dal crivelo co i busi più pìcoli, fin che restava i diametri de i busi più grossi (15-12-7). Questo serviva par fare le dresse conpagne. Più pìcoli gera i fastughi e più i gera rissercà.
Par sbiancare la paja e farla deventare più maleabile, se meteva i massi de fastughi in te na cassa, ben destirà, e se ghe vodava sora la “broa” (aqua de bojo) e del sòlfaro. Se sarava la cassa e se assava le paje in moja par diverse ore; dopo, i fastughi vignéa tirà fora e messi a sugare al sole, solo ’lora i gera pronti par fare la dressa.
Fin qua el xe stà solo el lavoro de produssion del materiale e la preparassion par poderlo doparare.
El lavoro par fare la dressa vera e propia vigneva fato quasi senpre de inverno, (quando no ghe gera tanto da fare) in stala a filò o in te le grande cusine. In sto lavoro gera inpegnà tuti i conponenti de ’a fameja: zòvani, done, òmini e parfin i veci.
Se ciapava i fastughi, senpre in nùmaro disparo: 5, 7, 9, 11, e se intreciava; man man che ’l lavoro proseguiva, vigneva fora na strica de paja che, drìo a la grossessa e del nùmaro de ’e paje doparà, podéa servire par fare sestéi, sporte, capèi, borsete e altri articoli.
In génare ste striche le se vendeva a i artigiani de ’a paja e el metro de misura gera un atresso ciamà “brassolaro”, formà da na asta de legno co infilà a i du cai du brassòli incrosà par fare la distansa a misura de brasso.
Se passava la dressa par 12 “passi” (giri) sul brassolaro, otegnendo na spece de matassa deta “paco”.
Finìo el lavoro e confessionà diversi pachi, passava el “pacaro” par cronpare e ritirare la merce.
El guadagno de tuto el lavoro el gera tanto scarso, pure lavorando tuta la fameja, da i più zòvane a i più veci, e in tute le ore lìbare da altri inpegni.
Da: Seminario su Tradizioni popolari, Università Adulti/Anziani di Thiene.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Conbàtare la fame nel mondo
Quando se xe in tanti a pensare e a voler fare la stessa roba, de sicuro chela roba la vien fata. Fin al 31 de otobre, semo tuti ciamà a riflètare sul problema de la fame nel mondo, co l’aiuto de l’Esposizion mondiale de Milan, che riguarda apunto l’alimentazion e l’educazion alimentare.
de Mario Sileno Klein
Quatro Ciàcoe in luto
Ciao, Enzo Coltro!
Demo notizia, con profondo dolore, de la morte del scritore, del poeta, del generoso cultore del “fare par i altri”, nostro colaboratore e amico, studioso de le tradission popolari, apassionà del dialeto veneto e de i valori che ’l rapresenta.
de Mario Sileno Klein
Da Thiene (VI)
La dressa
Fare la dressa: un lavoro che serviva par ’vere qualche franco in più par sbarcare el lunario
de Bepin Daecarbonare
|
