|
Provincia de Padova
I trasporti e la Provincia
 |
I trasporti e la Provincia
Premesso che la Provincia la xe considerà "autorità di Bacino"
in fato de Trasporti, par dèlega regionale, nel periodo 2000-2001,
forte de na percorenza anua de 14 milioni de chilòmetri, co
un "giro" finanziario de 30 miliardi, la Provincia de Padova
la ga concesso na serie de contributi par dare risposte concrete
a le domande de i Comuni padovani, in fato de "mobilità debole",
fermate e zonta de servizi.
El presidente Vittorio Casarin e l'assessore Mario Verza i
ga spiegà ne i particolari le inissiative atuà.
Par el trasporto de le persone anziane e disàbili xe stà assegnà
ai Comuni contributi par 235 milioni.
Par le fermate de l'autobus xe stà fati interventi con 543
milioni par realisare più còmode piassole de sosta con pensiline
e portabiciclete.
Per agevolare alcune zone fin desso servìe male da le coriere,
xe stà dà 215 milioni ai Comuni.
Par informare i utenti su i servizi pùblici de trasporto esistenti,
xe stà messi a disposission 300 milioni.
Par el rinovo del parco autobus xe stà assegnà contributi
par 1 miliardo e mezo.
Tuto questo, senpre su precise indicassion presentà da i Comuni
interessati, e a la luce de i ùltimi agiornamenti de le tarife
che dal 1° setenbre 2001 le ga subìo qualche pìcolo aumento,
in sèguito a l'aumento del costo de la vita, del carburante
e de le assicurassion: xe stà però mantegnù inalterate le
agevolassion che riguarda i abonamenti Sita+Acap, Sita e le
altre aziende de trasporti pùblici colegà, oltre a la carta
"Padova in bus" che xe stà progogà fin al 28 febraro 2002.
Atleti
padovani
Xe
stà dà un riconossimento ai do atleti padovani, Armando Pizzoni
Ardemani e Vittorio Garaventa, par i òtimi risultati conseguìi
ne le gare del circuito mondiale austriaco nel Triathlon.
Ne le gare de Klagenfurt i atleti ga percorso senpre de sèguito
4 chilòmetri noando, 180 chilòmetri in bicicleta e 42 chilòmetri
de maratona.
Viabilità
Prima
del convegno del 20 de otobre a Montagnana sul tema "Infrastrutture
nel Veneto", in un incontro tra el presidente Vittorio Casarin
e i parlamentari padovani, xe stà fato el punto su i pìcoli
e i grandi problemi che riguarda Padova e la so provincia
in fato de viabilità. El presidente Casarin xe stà ciaro:
"L'atuale tangenziale de Corso Australia la serve par far
transitare le auto citadine; bisogna realisare na nova strada
esterna a la sità che, partendo da la curva Boston, la passa
par Selvazzano, Saccolongo, Mestrino, Rubano, Limena, Vigodarzere
e Campodarsego, imeténdose su la statale 307 e finendo su
la viabilità de Padova Est. Par sto progeto se sta fasendo
pression su l'ANAS e sul Ministero".
Xe stà anca parlà de l'interamento de la ferovìa sul trato
cavalcavia Borgo Magno - Fiera, longo 2 chilòmetri, con 700
miliardi de costo, e che sistemarìa par ben tuta chela zona
de cità.
SP36
"Dell'Olmo"
Sta
inbocando el percorso giusto el progeto de la nova strada
de colegamento tra la Z.I. de Padova e la Piovese, par eliminare
el grave disagio del centro abitato de Granze de Camin, congestionà
dal tràfico. La novità dovarìa portare anca grandi benefici
a la crìtica circolassion de Voltabarozzo, Roncaglia e el
centro de Ponte San Nicolò, messo a dura prova dal massicio
passsagio de auto e camion, oltre che eliminare "grandi code"
e tenpo speso... stando fermo.
"Indirizzi"
de studio
"Ne
l'ano scolàstico che xe da poco scomissià, i studenti de scola
superiore i se ga catà la possibilità de sèliere tra na oferta
de studi molto più anpia", ga spiegà l'assessore Sebastiano
Arcoraci.
La giunta provinciale infati, su indicassion de la "Consulta
della scuola", oltre a l'inpegno su na serie de interventi
in fato de edilizia scolastica su-periore, la ga avià i seguenti
novi "indirizzi" de studio: un trienio de informatica al "Kennedy"
de Monsélice; un progeto "5 ETA" edile a l'ITD Belzoni de
Padova e un progeto IGEA edile per Cadoneghe; trienio de eletrònica
e telecomunicazioni a l'ITI Euganeo de Este; liceo sientìfico
linguistico aziendale a Piazzola sul Brenta; liceo scienze
sociali al "Newton" de Camposampiero; trienio de mecanica
a Montagnana; indirizo turìstico e per geometri (serale) al
"De Nicola" de Piove de Saco.
Maestri
del Lavoro
Anca
st'ano la Provincia ga consegnà el sigilo ai padovani che
ga vudo el tìtolo de "Maestro del Lavoro", come omagio par
aver messo la propia esperiensa al servissio de quanti fa
i primi passi par inparare el mestiere. Eco i nomi de i premià:
Angelo Beraldo de Boara Pisani, Primo Bettinelli de Padova,
Gianfranco Bicciato de Selvazzano, Renato Ceccetto de Este,
Antonio Dal Cortivo de Padova, Rosa Danieli de Padova, Carlo
Fazio de Padova, Adriano Fortunati de Battaglia Terme, Eros
Lazzaro de Padova, Gianfranco Lorenzin de Fontaniva, Renzo
Maggiolo de Montagnana, Matteo Mazzeo de Padova, Paola Maria
Novelletto de Padova, Antonio Terrin de Padova, Giancarlo
Zordan de Padova.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Novenbre:
Editoriale
Finalmente tuti precisi idèntici?
Se va in porto el progeto de la clonassion umana, come faremo a distìnguare... Bepi da Toni?
de Mario Klein
Parole drio man
Vocabolarieto vèneto
Parole cavà fora da le pàgine de sto mese, con zona de proveniensa, definission in italian e qualche modo de dire.
a cura de Mario Klein
|
