|
Editoriale
Bon Nadale, cari letori...
Anca se a si bituà a lèzare, so sto canton, on me personale pensiero, vorìa, par sto Nadale, alzare el volume, parché ve possa rivare un coro de auguri, come se faséa na volta, in s-ciapo, passando de casa in casa
Come ca ve diséa... visto anca l’aria che tira, co la brósema
invià rivare e le basse tenperature che xe previste par sto inverno, xe
mèjo stare in mucio, métarse vizini, farse da palo l’un co l’altro
e farse corajo, che te vedarè che passa anca sto vento de tramontana che
’l porta le beaze in te i fiumi de la Bassa.
Dài, dài che de rife o
de rafe a gh’in’ndemo fora anca de sto pastrocio de crisi economica che, dopo
tuto, la ga anca i so lati positivi. Se sente in giro sonare tante canpane nove,
che jera on toco che no le sonava pi.
A te senti dire: "Te vedarè
che sto... Nadale el mete a posto tuti: manco zimerie, manco grili par la testa.
Pensemo on poco anca ai altri, a chi sta pezo de noantri." No se pol darghe
tuti i torti parché xe rivà l’ora de capireche ghe xe on
lìmite a tuto: al consumismo, a la pura materialità, al no darghe
el giusto valore a le robe. No se pole vìvare solo pensando a la
màchina, a la casa, a la TV al plasma, ai video-telefonini a l’abito
firmà... Ghe xe anca de l’altro che conta ne la vita. Cussì,
costreti a’ bandonare on pochi– no tuti! – de sogni e de chimere, no propio
necessari, ritorna a farse vive tante robe che jerastà messe da parte: el
sentimento, l’amicizia, l’amore, la fede, la pràtica religiosa, le
tradizion, le usanze, el senso de la festa. Eco che xe propio qua la FESTA!
Xe qua la
FESTA pi tènara, pi sentìa e amà da grandi e da
pìcoli, da credenti e no credenti, da laici e da religiosi, da siori e
pitochi, da chi sta ben e da chi sta male, da chi ga schei e da chi ga el mutuo
da pagare. Xe qua la FESTA, ben sentìa da chi scrive so sta rivista,
sentìa da chi, da poco o da tanto, colabora a sto progeto de restauro.
Non de restauro del dialeto... de on dialeto che speta de èssare
riconossùo come lingua, ma anca de tuto on modo de èssare visti,
come Veneti, par quelo che semo, par quelo che femo e anca par come parlemo.
Alora, sta volta semo qua propio in tanti a dirve: "BON BADALE", cari
letori, da tuti i Redatori. Che ’l sia pure on Nadale "poareto", on
"Nadale de guera ai sprechi, a le robe inùtili e a quelo che se pole
fare senza." On Nadale... passà col tamiso de la crisi, on Nadale de
sani propòsiti e de bone parole, ma confermà anca da le azion.
On Nadale come lo festegiarìa chel BANBIN che ga roersà el mondo col
so nàssare e col so vìvare, col so morire provisorio e col so
rinàssare te la grupia de ogni omo de bona volontà.
Queste xe le
nostre raise, questo xe el nostro sentire. Senza la pretesa de farghe scola a
nissun!
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Bon Nadale, cari letori...
Anca se a si bituà a lèzare, so sto canton, on me personale pensiero, vorìa, par sto Nadale, alzare el volume, parché ve possa rivare un coro de auguri, come se faséa na volta, in s-ciapo, passando de casa in casa
de Mario Klein
Da Belun
An banbolot de celuloide
de Luigina Tavi
Robe nostre
Emigranti de jeri e de unquò
Da la siora Maria in Svissera, ai novi migranti qua nel Veneto
de Daniele Marcuglia
|
