|
El raconto del mese, in visentin
Una confession
 | | Finalmente gavevo inparà cossa jera el vero amore… |
Vivevo in un posto de mare, na sitadina che se speciava ne l’azuro del cielo e de l’aqua, a i piè de na colina tuta verde. Le abitassion de i veci pescadori, in fila drio stradele strete, le gavéa balconi senpre spalancà e ’l davansale fiorìo de gerani e anca de ciàcole, come se faséa na volta. In piassa a l’istà la vita jera na continua baldoria; strade e balere piene anca par tuta la note e i valzer se confondéa con la musica de i jukebox.
Gavevo disissete ani e sercavo de fare la bela vita. Par de pi, seben che ancora non gavesse vudo esperiense sentimentali, in chela baldoria me perdevo.
Go vudo anca le fortuna de conóssere un bravo toso che ’l lavorava con me pare. El se ciamava Donato, senpre ativo e volonteroso. Col consenso de i mìi e la benedission de i parenti, in freta lo go sposà. Seben fùssimo fora stajon, tuto el paese me ga fato festa, moltiplicando la presensa de la parentela. Jera na matina freda e nebiosa, proprio come quando la primavera faséa fadiga a farse ’vanti. Se qualchedun me gavesse ben vardà, capiva che mi no jera cantenta, anca se jera la me festa. Me paréa de èssere sposà par caso, sensa savere proprio cossa volesse dire avere un marìo. E la colpa, de serto, non jera solo mia.
El me core jera da nantra parte e lo go capìo, con tute le so amare conseguense, quando jera massa tardi. Jero afessiomà a un toso che ’l faséa na vita alegra come la mia. Volentieri go messo da parte el problema fameja e con sto novo aventuriero go corso drio a ogni passatenpo. Con lu go scanbià non solo l’amicissia ma parfin son rivà a unire el nostro corpo. Quanto che te orba la passion! Gnanca go ragionà quando lu me ga chiesto el “pegno d’amore”. Non me xe passà par la testa che, rento casa, un omo vero viveva, pensava e sfadigava par mi.
Me son svejà quando jera za massa tardi, quando che con la utilitaria de sto amico rincuràvimo dapartuto le feste e i divertimenti, adesso anca quei noturni. Né mi né lu jèrimo preocupà del nostro futuro. La mia jera na dopia vita: sfrutavo un vero amore e corevo drio a uno fasulo.
Quando me son acorta, son stà ciapà da la disperassion. Go scominsià a passare la note in bianco, pianzendo so la me gioventù brusà, ridota a un grovejo de vanità e de vizi. Son diventà musona, ignorando parfin chi vivéa par mi al me fianco e veramente me amava, un vero marìo. La so bontà non jera morta con la me malavita e col tenpo; fursi a lu jero ancora pi cara, anca con tuti i me difeti.
Finché son sbotà anca con el me amico aventuriero e quando ghe go comunicà el me stato d’animo, lu ma ga risposto con un soriso befardo, diséndome solo: “Se ghemo godù la vita. ’Sa volìvito de pi?” Massa tardi me son pentìa, ma el bon Dio non me ga abandonà; rinsavìa, jera quela la me ultima sponda. I mìi che da tanto tenpo mai i se ga preocupà de mi, i ga pensà che la mia fusse na malatìa depressiva e i xe cursi a dotori, psichiatri e parfin a na chiromante.
Na sera son stà ciamà da me popà e con lu ghe jera anca Donato che ’l me ga proposto de creare finalmente con lu na vera fameja e pensare al nostro futuro. Non me son sentìa degna de tanto sincero afeto. Son scopià in làgrime e me son sarà sù in càmara mia. Ma quado xe stà ora de sena, Donato lo go catà al me fianco. Altro no me xe restà che confessarghe tuta la me vita precedente. Lu me ga soltanto dito de dismentegare. L’amore sincero gavarìa rigenerà la me anima.
’Desso jero canbià anca mi, finalmente gavevo inparà cossa jera el vero amore e, me paréa inpossìbile, provavo tuta la bontà che Donato nutriva par mi. Cossa podevo darghe de manco de tuta me stessa? E Dio me ga concesso anca de èssere ’desso gioiosamente in atesa del nostro primo banbin.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
’Desso xe de moda ofèndare
Xe vèro che se se ’bitua a tuto, anca al pezo: ormai, a le ofese in pùblico, no se ghe fa gnanca pi caso, no se ghe dà bado. Ofèndare la xe deventà na moda, ma el xe on segno de grande inciviltà
de Mario Klein
Robe de Ciósa
I ortolani “marinanti” visti da Comisso
a cura de Angelo Padoan
|
