|
Editoriale
Ciao, Dino!
El 22 de Majo ne ga lassà Dino Durante, una de le figure vènete pi carateŕstiche, un cultore del dialeto, un sostenitore convinto de la vita, de la pace, de l'amicizia e de la cultura. Lo saludemo, co la speranza de no averlo perso par senpre
 |
| 2 aprile 2001. Dino Durante riceve el "Sigillo della Città" dal śndaco de Padova, Giustina Destro. (foto LuPe) |
Xe bruto separarse, dopo che se xe stà tanti ani insieme - Dino xe stà par tanto tenpo nostro colaboratore -, dopo che se ga speso enerǵe ne la convinzion che xe giusto darse da fare, parché se vive anca de ideali, de sodisfazion, de qualche paca su la spala, de na streta de man, de un soriso...
Quanta gente no galo curà, Dino, col so umorismo a brena verta, co le so ṕlole de alegŕa, indorà de sàtira e de irońa, co le so barzelete vietate ai minori e a chi no xe portà par sto gènere de spasso.
Quasi un presentimento in quela considerazion "balenga" - diŕa lu - butà là come un potacio a metà de la "Introdussion" al so ùltimo nùmaro (el 38°) de "el strologo" 2002:
"...Ultimamente me ze capità dosso de le rogne a l'ingrosso, co 5 operassion. Penso seriamente che el Signore, co gran determinassion, volesse coparme. Determinassion contrastà da chirurghi e dotori... Comunque pol darse che el Signore me volesse parché ghe fasesse conpagńa a l'arcangelo Gabriele che, avendo senpre la spada de fogo in man, el sarà fodrà de scotadure. E farghe passare i dolori co qualche barzeleta..."
Vuto védare che el Signore el se n'à inacorto e el lo ga ciamà dessora proprio par solevarghe el morale ai "angeli-custodi" che xe 'ndà in pension prima del tenpo, lassàndone qua in tera... senza guardia del corpo e de l'ànima?
Forse no sarà necessario, ma noaltri lo disemo istesso: ne dispiasaŕa che se continuesse a pensare a Dino Durante soltanto come "barzeletiere sbocalon", che ga doparà el dialeto solo par "parlar onto" o autore de "abominevoli pagine", par dirla co le so parole. El ga fato anca questo, ma fermarse ĺ, el saŕa un pregiudizio, un giudizio da poricani, che falsa la verità sul Dino Durante "eccellente" scritore, ̣timo giornalista, vàlido poeta in lingua italiana con un lirismo de na pureza incred́bile: voŕa dire avere vardà te i oci l'amico Dino, senza rivare a capire che drio de chel soriso, de chela batuta pronta, de chel'aria da "dàmene seṇ t'in ṭgo", de chela scorza da "autosuficiente", ghe gera un ànimo umańssimo, senśbile e malinconicamente dolce.
Da parte nostra, podemo dire che semo senpre stà ricanbià de rispeto, de stima e de amicizia, anca se no gèrimo senpre de 'a stessa idea su selte lingústiche.
Dino ga senpre decantà la so sinpat́a par la raza umana, el so odio par... i spinaci, le case a schiera e chi ga inventà el lavoro, anca se in 79 ani el ghe n'à fato del lavoro, spanpanando in giro el so umorismo caldo, sanguigno e tachente. El nostro no pol che èssar "un bon ricordo".
A la fameja, ai fioi, a la mojere Mary, va l'afeto e la partecipassion al so dolore, da parte de tuta la REDASSION e de la Presidenza e Consiglio de l'EDITORIALE PADOVA.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Giugno:
Editoriale
Ciao, Dino!
El 22 de Majo ne ga lassà Dino Durante, una de le figure vènete pi carateŕstiche, un cultore del dialeto, un sostenitore convinto de la vita, de la pace, de l'amicizia e de la cultura. Lo saludemo, co la speranza de no averlo perso par senpre
de Mario Klein
|
