| a cura de Romano Beltramini |
|
"La Sguaratà" - Ciàcole Polesane
L'onbrelon
 |
| Caro onbrelon... per le spese... |
El fa pensare subito al mare, a la spiagia. Dopo l'onbrela, na gran invension per ripararse da la piova, per schivare el sole e, perché nò, anca i tenporali inprovisi ca se presenta, sul finire d'istà, co fare birichin per farte scapare, de corsa, al coverto.
L'onbrelon, gran conpagno de spiagia, ancuò pagà a peso d'oro insieme a sdraia e a ingresso in spiagia per stravacarse su chel banco de sabia, di fronte al mare che, in fondo, l'é patrimonio de tuti perché el Signore l'à creà cielo, tera e aqua sensa fare distinsion fra quei ca le avarìa doprà. Se dirà ca bisogna tegner neta la spiagia e pagare quei ca lo fa. Giusta osservassion ma, pur dovendo starghe drio a sti servissi, me pare che le scarsele de quei ca ga le concession de le spiage le se staga inpenendo un fià massa e da massa tenpo. Serto no i é fastidi per quei ca ga la vila al mare. Lori no paga, de serto, l'onbrelon e el sdraio e, da resto, anca se i dovesse farlo, no ghe mancarìa el franco né i farìa i sacrifici ca fa el povro operaio o l'inpiegatin per portare la fameiola al mare.
A sto punto no sarìa serto male farghe un fià mèio i conti in scarsela a chi conduze ste fete de spiagia giustàndoghe le scarsele, cle pare sensa fodra e sensa fondo, e rivedéndoghe i tarifari perché un ben de tuti no se pole riservarlo solo ai pochi fortunà ca lo gestisse.
E questo prolungarìa la sosta soto i onbreloni anca de i più déboli de valuta che i serca ancora de contentarse de ste giornate de festa riduzendo, magari, el pranso de mezogiorno a un panin de mortadela e a na coca-cola pur de starghe drento. Se dirà che l'orologio de na volta l'é 'ndà avanti. No l'é più tenpo de portarse da casa sdraio e onbrelon, anca perché no i te lo concede, sinò, come farìsseli quei de le concession a muciare el franco?
Vien in mente la famosa fameia "De Tappeti" cla cargava, su na màchina pìcola e scassà, pare, mare, fioi, suòceri, can e gato e tuto un armamentario per le vacanse estive e la faseva partire un trabìcolo che, snonbolàndose, provocava ridade e sberlefi del vicinato. No l'é proprio questo ca se vole, ma na bela reinquadrà de setore ca daga, ai più modesti de scarsela, la possibilità de qualche giorno de più de ferie e, sopratuto, el gusto de goderse sto ben che Dio à dà per tuti e no solo per i più fortunà.
Caro onbrelon, dunque, a righe, a quadri, a fete o a strisse, bianco, rosso, verde o de altri colori. Caro sì, ma no per le... spese!
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Lujo-Agosto:
Editoriale
Dài, cóntame calcossa de belo!
Massa crònaca "nera", massa notizie che fa scareze su le pàgine de i nostri giornài. Informare vol dire par forza spaventare?
de Mario Klein
Sbiansi de sagessa popolare
Segantini in fusara
Da un s-ciapo de sgualdrinote in bela vista xe vegnùo fora el spunto par rivisitare na squadra de segantini in fusara
de Dinerio
Cultura in provincia
Quando la moda xe... fata in casa
Organisà dal Comune de Campodarsego, a do passi da Padova, na insòlita sfilata de moda, che ga fato cultura, tradission... e divertimento
de Luigi Perini
|
