|
Editoriale
Nadale, na bona ocasion par dire grazie
Cossa ghe xe de pi belo de esprìmare la propia riconossenza pa 'l grande dono de storia, de inteligenza e de civiltà
 |
| Nadale xe anca tenpo de ragài: grazie anca par questi! |
Anca se non tuti ga l'orto e in sto periodo non tuti copa el mas-cio; malgrado
che ghe sia chi no ama le bestie e no ama i cristiani; nonostante che par na
serie de circostanze, sto tenpo chì el sia on tenpo de purga parché
el se magna le scorte e i risparmi messi da parte; malgrado tuto questo, a caval
de le feste de Nadale se sveja on sole novo, de bela siera che fa canbiar l'inverno
in primavera. I pensieri da mal de core i vien messi da parte, se scoa par ben
la corte, parché riva sul zélese on tenpo galantomo, el tenpo
de la sapienza, quelo che la tradizion definisse el tenpo del Sole, el tenpo
de la Luce, precedù da chel poco che xe restà de le vece usanze
de tipo popolare, come la ciarastela, la nina, el canto del "Semo qua co
la gran stela/ per dorare Maria e Gesù,/ per portare la novela/ che ghè
nato el Salvatore."
Eco el Nadale. Eco el tenpo de riconóssare l'inizio de la Parola nova,
mai dita prima: Amore. Par mi, par ti, par tuti, par chi ne vole ben, par chi
ne vole male, par chi ne xe sinpàtico e amico, par chi ne sta so 'l stómego,
par chi ne xe torno e chi ne xe distante, par chi ne ga fato del ben e par chi
ne fa i dispeti e ne scurla la toaja sora la testa da la teraza del piano de
sora, par chi xe vivo e par chi ne ga lassà, par i putini che more soto
le macerie de la scola e par chi tira sù i muri massa fini, par chi xe
devoto e va in ciesa e par chi ga perso la fede e vive senza Dio...
Da chela data famosa, ogni èssare su la tera xe deventà sacro,
degno de cura e el mèrita rispeto: chi xe poareto, chi xe schiavo de
i so vizi, chi xe solo o sbandonà, chi xe deluso e ga messo da parte
la voja de vìvare, chi ga fato falimento e chi ga perso l'onora il padre
e la madre, chi sofre e chi xe via de testa: tuti mèrita perdono, conprension
e giustizia.
Sentire el bisogno de fare sti ragionamenti... xe za na bona rason par dire
grazie. Grazie a chi ne ga fato vegnere al mondo, grazie a chi ne ga ficà
sti pensieri in testa, anca se dopo no saremo boni de métarli in pràtica.
Grazie a chi ne ga insegnà a respirare, magnare, bévare, caminare,
parlare, zugare, studiare, lavorare... Grazie a chi ne ga fato incontrare l'altra
metà e n'à insegnà a farse el gnaro e métare al
mondo de i fioi... Grazie par le stajon de bona e de cativa sorte: gradévole
la prima, da soportare e ciapare come on insegnamento la seconda, parché
cussì xe fata la vita... Grazie par tuto el ben che ghemo ricevùo
e pa 'l poco che semo riussìi a fare.
Nadale xe anca tenpo de regài: grazie anca par questi! E, soraruto in
sto tenpo, grazie ai "operatori di pace" in lota contro i tenpi mati
de le guere e de le discordie. Quanti boni motivi par dire grazie e par riportare
in vita sta parola de bona creanza, el pi de le volte sepelìa da la pressa
del vìvare, sofegà da l'indifarenza e da l'ingratitùdine.
Sarà proprio el caso de fare na canpagna de propaganda par rinovare la
bona abitùdine de dire grazie anca par le robe mìnime. Parola
che fa ben a chi la dise e a chi la riceve. E non solo a Nadale!
Anca se non tuti ga l'orto e in sto periodo non tuti copa el mas-cio; malgrado
che ghe sia chi no ama le bestie e no ama i cristiani; nonostante che par na
serie de circostanze, sto tenpo chì el sia on tenpo de purga parché
el se magna le scorte e i risparmi messi da parte; malgrado tuto questo, a caval
de le feste de Nadale se sveja on sole novo, de bela siera che fa canbiar l'inverno
in primavera. I pensieri da mal de core i vien messi da parte, se scoa par ben
la corte, parché riva sul zélese on tenpo galantomo, el tenpo
de la sapienza, quelo che la tradizion definisse el tenpo del Sole, el tenpo
de la Luce, precedù da chel poco che xe restà de le vece usanze
de tipo popolare, come la ciarastela, la nina, el canto del "Semo qua co
la gran stela/ per dorare Maria e Gesù,/ per portare la novela/ che ghè
nato el Salvatore."
Eco el Nadale. Eco el tenpo de riconóssare l'inizio de la Parola nova,
mai dita prima: Amore. Par mi, par ti, par tuti, par chi ne vole ben, par chi
ne vole male, par chi ne xe sinpàtico e amico, par chi ne sta so 'l stómego,
par chi ne xe torno e chi ne xe distante, par chi ne ga fato del ben e par chi
ne fa i dispeti e ne scurla la toaja sora la testa da la teraza del piano de
sora, par chi xe vivo e par chi ne ga lassà, par i putini che more soto
le macerie de la scola e par chi tira sù i muri massa fini, par chi xe
devoto e va in ciesa e par chi ga perso la fede e vive senza Dio...
Da chela data famosa, ogni èssare su la tera xe deventà sacro,
degno de cura e el mèrita rispeto: chi xe poareto, chi xe schiavo de
i so vizi, chi xe solo o sbandonà, chi xe deluso e ga messo da parte
la voja de vìvare, chi ga fato falimento e chi ga perso l'onora il padre
e la madre, chi sofre e chi xe via de testa: tuti mèrita perdono, conprension
e giustizia.
Sentire el bisogno de fare sti ragionamenti... xe za na bona rason par dire
grazie. Grazie a chi ne ga fato vegnere al mondo, grazie a chi ne ga ficà
sti pensieri in testa, anca se dopo no saremo boni de métarli in pràtica.
Grazie a chi ne ga insegnà a respirare, magnare, bévare, caminare,
parlare, zugare, studiare, lavorare... Grazie a chi ne ga fato incontrare l'altra
metà e n'à insegnà a farse el gnaro e métare al
mondo de i fioi... Grazie par le stajon de bona e de cativa sorte: gradévole
la prima, da soportare e ciapare come on insegnamento la seconda, parché
cussì xe fata la vita... Grazie par tuto el ben che ghemo ricevùo
e pa 'l poco che semo riussìi a fare.
Nadale xe anca tenpo de regài: grazie anca par questi! E, soraruto in
sto tenpo, grazie ai "operatori di pace" in lota contro i tenpi mati
de le guere e de le discordie. Quanti boni motivi par dire grazie e par riportare
in vita sta parola de bona creanza, el pi de le volte sepelìa da la pressa
del vìvare, sofegà da l'indifarenza e da l'ingratitùdine.
Sarà proprio el caso de fare na canpagna de propaganda par rinovare la
bona abitùdine de dire grazie anca par le robe mìnime. Parola
che fa ben a chi la dise e a chi la riceve. E non solo a Nadale!
Ve femo tanti auguri de Nadale
sperando ne la pace del Signore.
Par questo 'lora no sarìa mia male
tornare a dire grazie con amore
a chi ne cede el passo so le scale,
a chi ne dà conforto nel dolore.
Cussì te i rami al posto de le bale
tachemo i "grazie" pieni de colore.
|
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Dissenbre:
Editoriale
Nadale, na bona ocasion par dire grazie
Cossa ghe xe de pi belo de esprìmare la propia riconossenza pa 'l grande dono de storia, de inteligenza e de civiltà
de Mario Klein
Da Thiene (VI)
La "Nina Gigante"
Ne le noti prima de Nadale, un canto dolse e deicato se sente ne 'e vece contrà
de Thiene. El xe el canto de 'a "Nina", dove na popolana anunsia la
nàssita del Redentore ai so paesani, che in coro, i risponde co l'ansia
de conòssare ogni particolare del grande avenimento
de Bepin Daecarbonare
Da Verona
'Na voçe da l'aldelà
de Wanda Girardi Castellani
|
