|
Memoria Euganea
"La mosca mora"
 |
| E salta fora el gato... |
Na antica tiritera e esercissio de memoria xe "La mosca mora traditora". Me ricordo che la faséa cussi:
"Salta fora el ragno dal ragnaro, par divorare la mosca dal moscaro.
E de ragno e de mosca mora me inamorai de quela traditora.
E salta fora el sorse dal sorsaro, par divorare el ragno dal ragnaro.
E de sorse, de ragno e de mosca mora, me inamorai de quela traditora.
E salta fora el gato dal gataro, par divorare el sorse dal sorsaro.
De gato, de sorse, de ragno e de mosca mora, me inamorai de quela traditora.
E salta fora el can dal cagnaro, par divorare el gato dal gataro.
E de can, de gato, de sorse, de ragno e de mosca mora, me inamorai de quela traditora.
E salta fora el lupo dal luparo, par divorare el can dal cagnaro.
E de lupo, de can, de gato, de sorse, de ragno e de mosca mora, me inamorai de quela traditora.
E salta fora l'orso da l'orsaro, par divorare el lupo dal luparo.
De orso, de lupo, de can, de gato, de sorse, de ragno e de mosca mora, me inamorai de quela traditora.
E salta fora el leon dal leonaro, par divorare l'orso da l'orsaro.
E de leon, de orso, de lupo, de can, de gato, de sorse, de ragno e de mosca mora, me inamorai de quela traditora.
E salta fora la tigre dal tigraro, par divorare el leon dal leonaro.
De tigre, de leon, de orso, de lupo, de can, de gato, de sorse, de ragno e de mosca mora, me inamorai de quela traditora.
E salta fora el leofante dal leonfataro par amassare la tigre dal tigraro.
E de leofante, de tigre, de leon, de orso, de lupo, de can, de gato, de sorse, de ragno e de mosca mora, me inamorai de quela traditora.
E salta fora la balena dal balenaro par fare amicissia col leonfataro.
De balena, de leofante, de tigre, de leon, de orso, de lupo, de can, de gato, de sorse, de ragno e de mosca mora, me inamorai de quela traditora."
Sta filastroca "scioglilingua", no la xe fàssile, parché bisogna ogni volta ripètare tuti i nomi tornando indrìo; ghe vole on serto alenamento, parché xe fàssile saltare calche bestia. Se calcun el vole provare... ma vardè che no xe fàssile.
La go scrita par el solo motivo che no la sia desmentegà. Me ricordo de quando in ostarìa i 'ndava a gara e chi che sbaliava pagava da bévare par tuti. No sò da 'ndove che la vègna sta filastroca, ma de sicuro da tanto distante nel tenpo. El xe on strafanto ma mi credo che no 'l sia scrito da nessuna parte. Co sta canta se faséa squadra, e se 'ndava vanti fin che se sbaliava: bisognava dire tuti i nomi a roverso e in prestessa e ogni volta se metéa na palanca, e l'ùltimo el rancurava tuto. A me ricordo che la me la cantava me nona có la jera tosa; penso che la gabia calche ano, e na palanca alora (10 schei) la jera na palanca, e de inverno in stala al caldin el jera on spasso.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Aprile:
Editoriale
Massa parole in circolassion!
No la xe gnancora na epidemìa, ma poco ghe manca: sarà ben tacare a dire parole a... boche alterne
de Mario Klein
|
