|
Da la Marca
Memorie de piera
 |
| Targa che ricorda la guera sul Grappa |
L’aviçinarse del novantésimo aniversario de la conclusion de la prima guera mondial ga deciso tante aministrassion comunali a darse da far par recuperar nel so teritorio le testimonianse de quei momenti epici che ne la provincia de Treviso ga avùo i so momenti pi inportanti e risolutivi. Da le ricerche afetuàe in te ’sti ultimi mesi xe risultà che xe presenti in ogni località targhe de marmo che documenta fati stòrici rilevanti. Varie làpidi su palassi de Treviso, par esenpio, le ricorda le vìsite del re Vittorio Emanuele III co i Comandi Supremi par fissar le linee de la resistensa sul Piave e su ’na trincèa recuperada ne l’Asolan xe riconparsa ’na piera co na citassion da D’Annunzio che invitava i soldài a l’estremo sacrificio par la patria.
In varie vile, come par esempio vila Cornaro a Vedelago, xe ricòrdai i aquartieramenti de i militari aleati, francesi e inglesi e po’ anca americani. A Colfosco ’na targa la comèmora i soldài cecoslovachi picài come disertori da i Austriaci dopo la batalia del Solstissio; a Conejan ’na làpide su ’na casa privata la ricorda el conbatimento de l’ultimo squadron austroungarico de mitralieri che ga resistìo fin a la morte par assicurar la ritirata de i so conpatrioti.
Nel Basso Sil se pol védar su le faciate de le case de le vece agensie agrìcole i segni "lapidei" de l’atività svolta da i reparti de sanità e chirurgia militar ne i ospedali da canpo che operava sia al fronte che ne le retrovie.
Ne l’ossario de Fagarè ghe xe ’na làpide in memoria de Edward Mac Key, l’unico caduto american sepelìo in Italia, che xe stà sostituìo nel comando de un posto ristoro dal tenente Ernest Hemingway che ghe ga deeicà ’na poesia; drio el Piave ghe xe de i cipi e de le colone che ìndica i punti de passagio de le nostre trupe e i nomi dei regimenti, sia italiani che aleati, che ga varcà el Piave.
A Cavrie de San Biagio un riquadro de piera a la base de un capitel ricostruìo el riporta l’ex voto de un uficial italian che nel vecio capitel se ga riparà par salvarse da ’na granata ne i momenti pi convulsi de la Batalia del Solstissio.
L’atività de recùpero de le memorie de piera la xe in pien svolgimento e la riserva continue sorprese; adesso però se tenta de slargarla anca a le testimonianse del canpo aversario che però le xe stàe disperse in bona parte ne i ani del Fassismo che voléa scancelar ogni segno de presensa straniera.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Parché sti fiòi no i cresse?
Eco on argomento che scota anca se no semo in piena istà: i fiòi no se la sente de nar fora casa, i preferisse restare in fameja. Dopo tuto, no ghe dispiase gnanca ai genitori!
de Mario Klein
|
