|
Da Rovigo
On po’ de alegrìa
 | | A te dago sessanta solo par far contento to nono Tiberio… |
A semo da Aligi, in ocasion del gemelagio tra i somelier de Polésine e quei de la provincia de Como. E tra le òstreghe crue e le vóngole cote, e tra la pasta a l’àstese e i bisatèi friti, a se cuntemo le nostre monade che le serve sora de tuto par finire in alegrìa sto incontro.
A taca Tiberio de Badia che ’l ne cunta de no avere mai barufà co so mujere Franca: “L’è solo ela che la barufa co mi, ma mi – a dise Tiberio – a no ghe bado.” E po’ el ne cunta de so neodo ch’i lo ga promosso ai esami de maturità co na scarpà in te ’l culo, dopo on ano che no ’l ghea gnanca verto el libro. L’è stà on professore a passarlo: “A te dago sessanta solo par far contento to nono Tiberio” el ga dito al candidato.
Ma sto fiolo el ga ribatù: “El me daga sessant’uno, professore, e cussì me nono el sirà ancora più contento!”
St’altra storiela el la ga cuntà Giorgio de Bagnolo che da tanti ani el vive a Como. El ne dise de on contadin che ’l ga mandà on telegrama ai so parenti in Piemonte. E in te sto telegrama el scrive solo do parole, par sparagnare i schei: “Bepina morta”. Alora l’inpiegato el ghe fa: “El pole zontarghe ancora tre parole pagando i stissi schei. El varda che fin a zìnque parole el paga senpre quelo!” E alora el contadin el ghe pensa dessora e po’ el scrive: “Bepina morta. Vendo Panda rossa.”
E a vien che anca mi a digo le mie. E ghe cunto quele ca go sentìo dire da Mario (a me pare che ’l se ciama cussita) de Tajo de Po, in tratorìa da Venerino de Panarela. Sto Mario el cunta de aver visto uno vestìo da musicante de la banda citadina sonare la tronba davanti a la casa del Sindaco. E subito dopo el canta el “Nessuna dorma”, par dopo métarse a sonare la fisarmònica, uchelando: “Auguri, auguri!” Incuriosìo, Mario el ghe domanda cossa che ’l xe drìo fare. “A so’ drìo farghe la festa al Sìndaco che onquò el conpisse i ani!” – el ghe risponde. E alora Mario el ghe domanda: “E parcossa mai che el Sìndaco no ’l vien fora in pojolo a rengraziare?” “A ne possa posso mina èssare dapartuto!” a ghe risponde el musicante.
E anca el cunta de uno de le so parte che ’l ghe dise a so mujere de inasiarse co tanto de minigona e stivài, farse i làvari russi e profumarse, par via che in casa a no ghe xe più schei e bisogna pure che ela la proveda a ciaparse on franco: zinquanta euro al colpo. E po’ el porta la mujere in te na rotonda de la Romea e intanto lu el se sconde drìo na passaja. Dopo on tòco a se ferma on giovanoto. Ma a la richiesta de zinquanta euro, no ’l ghe sta: “A go solo vinti euri in scarsela.” Alora ela la ghe dise de spetare on fià e la va da so marìo a consiliarse. E so marìo el ghe dise che la podarìa contentarlo a la manco pezo, in te na qualche maniera, roba da poariti. Ma ’pena che la dona la taca, la resta incantà cussì tanto da andare ancora da so marìo: “Inprèstaghe trenta euri, a chel fiolo, va là!” la ga dito.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Onore a l’Italia col canto
Na bona ocasion par rèndarghe onore a l’Italia in festa la xe saltà fora da la 22ª Rassegna Corale “Città di Padova” organizà dal Coro “La Valle” in colaborazion con l’AIDO
de Mario Klein
Confronti
La storia de le disgrassie
de Ugo Suman
Da Rovigo
On po’ de alegrìa
de Gianni Sparapan
Da Thiene (VI)
La matassa de seda
Un filo de oro che liga i ricordi de un mondo de fiaba có gero putelo
de Bepin Daecarbonare
Da Verona
E dàghela con sti pié!
de Giacinta Dall’Ora
|
