|
Curiosità Venessiane
Comunità foreste
I segni che le comunità foreste ga lassà ne la cultura venessiana ze ancora ben inpiantàe.
Il tèrmine dialetal de qualche barca se ciama caicio, le susine lagunari baracòcoli, le sedie careghe e via via discorendo. Nel costume i siai scuri che ancora adesso qualche siora de età porta nel sestier de Castelo ze l'ùnico ricordo de i veli persiani inportai a Venessia da un armeno.
Ne la cusina se parecia piati dal saor forte come el cavroman (minestra de risi e pévare) che riva da i Balcani. Altri indirissi de intinerari come posti de atraco de le inbarcassion dàlmate su la riva de i S-ciavoni.
Qua rivava zente slava, levantina, grega, qua gaveva sede i propri depòsiti, le boteghe, posti de ritrovo e po' dove se taca i rimorciadori, barche ligàe a le paline e barche de legno su palafite le rancurava un marcà dove se vendeva la lana montenegrina sàndali de curame co la ponta in sù, pésse da le foci del Narenta, ua grega. Dadrìo la riva, tramezo le cale nei dintorni del rio de la Pietà se trovava la sede del pòpolo grego: le case le ze ancora in bone condission, fasendo bela mostra de tuta la so grandessa, la ciesa del 1500 dedicada a S. Zorzi, da la streta fassada e dal canpaniel che péndola da na banda.
Sta presensa grega contava 6.000 àneme insieme ai abrèi che ghe ne gera de più.
I Dàlmati par de più modesti marineri, artezani da le man de oro, barbieri, casseleri, frutaroli e sartori.
Anca sta comunità no veniva considerada foresta ma çitadini aquisìi da la Repùblica, orgoliosi de le proprie raize: i ga vudo la passion par l'arte e ne la propria passion esenpio ne ze i capilétere miniài del proprio statuto e i tèleri de Vitor Carpacio che garniza la scuola da lori intitolada al protetor San Zorzi dei Greghi.
Spesso i Dàlmati de nassionalità sclavonica ze stài confusi co i Albanesi: da i rossi capéli.
N'altra comunità inportante par l'economìa de Venessia: i Armeni.
Diversa ze la storia de i Armeni, ùltima che ga vudo sito in laguna sul finir del 1400 nel sestier de San Marco e ne la ruga Juffa. Nel 1717 l'isola de San Lazaro, no tanto lontan dal Lido, la ze stada regalada a un grupo de religiosi benedetini armeni deventando un inportante çentro de agregassion de la "diaspora" de chel pòpolo che gaveva tacà ai calcagni la gran invasion turca.
[torna sopra]
|
