|
Dal Piovese (PD)
On Monumento al Lagunare
 |
| El "Monumento al Lagunare" de Arzergrande. |
On monumento al lagunare: Arzergrande, e co éo tuti i Comuni de eā Sacėsica, ga voésto farghe omagio a 'sto corpo miitare in riconossensa de l'aiuto che 'sti soldā ga portā a eā popoeassion de tuto el teritorio al tenpo de eā gran aluvion del 1966. L'A.L.T.A. (Associassion Lagunari Truppe Anfibie) che ga eā so sede provinciāe propio a Arzergrande, ga comissionā el monumento al scultore de Codevigo Walmer Peccenini, ex lagunare anca éo, che ga pensā, secondo coéa che ormai xe eā tendensa de eā scultura moderna, de no fare el sōito miitare-eroe pronto al sacrificio e pien de tanta retōrica, ma de darghe visibiitā a on ato de soidarietā: on lagunare, stando in te eā so barca (el mototopo) slonga 'na man pa jutare 'na fémena che xe drio negarse. El xe, quéo del lagunare, on gesto de 'na gran senplicitā e el mete in evidensa chel adestramento che ghe permete a 'sti miitari de fare anca 'ste robe qua. On gesto sčnplice, ma pien de significato. On gesto che no ga gnente de eroico (el lagunare xe abituā a 'ndare in barca anca in te 'e pčzo condission), ma che xe cārico de tanta umanitā.
El viso de eā fémena manifesta terore (eā xe drio negarse); el lagunare ispira fiducia e sicuressa. Se trata de 'na scultura de stanpo espressionista, co i carāteri ben marcā, co espression che no eāssa dubi. Peccenini ga trovā 'na bea soeussion pa mostrare eā sicuressa del lagunare: el lagunare e eā barca xe 'na roba ųnica: come se 'l miitare fusse eā continuassion del so mčzo. Quasi on centauro marin, insoma. E eā barca pare vegnčre fora da eā aqua come calcossa de inafondābie, come on mčzo anfibio. On significato sinbōico lanpro e lanpante. El tuto se trova drento 'na vasca co eā aqua senpre in movimento.
Eā Aministrassion Comunāe de Arzergrande ga sistemā el monumento (e xe stā grando el lavoro del geometra Renato Brugiolo pa risōlvare tuti i problemi tčcnici) in te eā nova piassa vissin al Munissipio e eā strutura architetōnica xe stā pensā in modo che 'l sia vissin a eā zente, fruibie da eā zente, logo de incontro de eā zente. On monumento destinā a čssare vissųo da chi che frequenta chéa piassa.
So 'l monumento e so i ricordi de eā aluvion, xe stā publicā on libro čdito da Tiozzo.
[torna sopra]
|
