|
L'esperienza insegna - in basso veronese
I endegari
 |
| 'Na nevegada fora stajon. (foto A. Corain) |
Par i nostri veci, che i gavéa la vita ligà a l'andamento bon o tristo de le stajon, a jera inportante saere prima come che sarìa stà el tenpo atmosfèrico durante l'ano che vegnéa.
Tra i tanti modi de fare le prevision a ghe jara i endegari, diti anca le calendre, che in talian voria dir i indicatori del tempo. Se scuminziava el primo de l'ano a segnare el tenpo che faséa e se continuava finamentre al vintiquatro, senpre de genaro. El primo giorno segnava genaro, el secondo febraro, el terzo marzo e cussita ia fin al dódese, ch'el jera dizenbre. Dopo se naséa vanti a la roersa e cussita el trèdese el jera ancora dizenbre, el quatòrdese novenbre, el quìndese otobre e cussita ia finamentre al vintiquatro ch'el jera de nóvo genaro.
Se confrontava dopo el scrito e se paresenpio el tri e el vintidó a gavéa piovesto, tirà vento e fato frescheto, anca tuto el mese de marzo el gavarìa 'vu pressapoco chel tenpo lì. Ma 'tenti! Chelo che tajava la testa al toro el jera el vintizinque de genaro, el giorno de San Paolo de i segni. El tenpo de chel giorno lì el jera chelo che confermava o el smentìa tute le prevision (quali saranno i tempi del nuov'anno, i segni di S. Paolo t'el diranno; di calendre non mi curo, se S. Paolo mi guarda scuro).
Anca sto ano, come in te i ani passà, a go tegnù nota de i endegari e a dir la verità al vintizinque a me so' un poco spaentà parché da i me conti a jera vignù fora che sto ano el sarìa stà fredo e suto. E inveze el tenpo el gh'in à fato ajo, come Bertoldo, come Nineta, come un mas-cio in te 'na molonara!
Caldo african, fredo, neve, tronbe d'aria, aqua a sece roerse e disastri a non finire. E 'lora a go tirà fora i proverbi sul tenpo, che a ne ga 'assà i nostri veci, che no i jera mia insulsi come che i pensa i tusi de 'desso. Saendo ben che el tenpo a l'è balarin, i ga dito 'ste bele sentenze: el tenpo no 'l se ga mia sposà par fare chelo ch'el vole; tenpo, paroni e mati a no se ghe comanda; a l'è come el tenpo: un dì da uvi e un dì da late. Par ciaparse vanti e no passar mia da inbezili i diséa anca: se el monte el ga el capelo (nuvole), o che piove o che fa belo (e cussita a i ghe indoinava senpre)
Su 'na nostra television locale a ghe xe un metereòlogo, che el ga i so ani, che quando ch'el parla del tenpo che vegnarà el dise senpre che prevision sicure pi vanti de tri dì a xe fadiga indovinarghe.
E inveze tanti so coleghi, malà de catastrofismo, in television o su i giornài, dopo tri dì de piova i preanuncia che el livelo de i ocèani el se alzarà de no so quanti metri e el farà nare soto aqua tute le pianure e anca Venezia, e dopo tri dì de suta a i ziga che a vegnarà la desertificazion totale e che sul Canal Grande inveze che i vaporéti a passarà i camèi, che in fondo in fondo anca luri a i xe de le nave, del deserto però.
E 'lora sarìa ben che sti siori, che i ga fato le scole alte (i jera al quarto piano) e che dal colo in su i ga tuta testa, i se ciapasse in man un bel libreto de proverbi e i se lezesse pi de na olta i zentenari de proverbi sul tenpo che i se ga tramandà par generazion i nostri veci e forsi i sarìa un pochetin piassè prudenti prima de dir che ghe sarà el siolimento de le calote polari e el dì dopo che ghe sarà 'na nova glaciazion co' i orsi bianchi che gira par la Valpadana!
ENDEGARI 2003 |
| GENN |
1/1 |
Nuvoloso
Freddo moderato |
24/1 |
Bella giornata |
| FEBBR |
2/1 |
Pioggia intensa
Freddo moderato |
23/1 |
Nebbia - Schiarite al
pomeriggio |
MARZ
|
3/1 |
Nuvoloso - Foschia
Freddo moderato |
22/1 |
Cielo coperto - Al pomeriggio
soleggiato |
APRI
|
4/1 |
Nebbia
Freddo moderato |
21/1 |
Cielo coperto - Vento
Pioggerella a tratti |
MAGG
|
5/1 |
Leggera pioggia fino a sera
Freddo |
20/1 |
Nebbia - poi bella giornata -
Stille di pioggia la sera |
GIUG
|
6/1 |
Cielo coperto - pioggia in
serata - Freddo moderato |
19/1 |
Nebbia mattino poi soleggiato |
LUGL
|
7/1 |
Pioggia (al pomeriggio
nevischio) - Freddo moderato |
18/1 |
Bella giornata soleggiata |
AGOS
|
8/1 |
Leggera nevicata al mattino -
Pomeriggio coperto |
17/1 |
Cielo coperto
Freddo sensibile |
SETT
|
9/1 |
Nevischio -
Acqueruggiola - neve |
16/1 |
Cielo coperto
Freddo |
OTTO
|
10/1 |
Coperto
Freddo moderato |
15/1 |
Soleggiato
Freddo sensibile |
NOVE
|
11/1 |
Giornata soleggiata -
Leggera gelata notturna |
14/1 |
Soleggiato
Freddo |
DICE
|
12/1 |
Giornata soleggiata -
Notte serena e fredda |
13/1 |
Soleggiato
Freddo |
| |
25/1 |
S. Paolo dei segni |
|
Giornata
splendida |
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Dal nùmaro de Majo:
Editoriale
Un monumento a la mama
Viva nel ricordo de tuti, inmortalà ne l'arte, presente ne la vita de ogni giorno: parché no farghe un monumento?
de Mario Klein
Ciàcole Visentine
La sagra de le siarese de Pianesse
A Pianesse, vissin Maròstega, la penùltima doménega de majo de ogni ano, ghe xe la sagra de la siaresa "Sandra"
de Giordano Dellai
|
