|
Da Maran Lagunare (UD)
Vece orassion, filastroche e canti de Nadal
 |
| Piero della Francesca, La Natività, National Gallery, Londra. |
Go trovò ne la me racolta ste orassion che le parla del Nadal. Par rispeto a la tradission le riporto come che le me xe stàe dite. Se sa che ne i tinpi, par via oral le parole le subissi de i ganbiaminti. Sto qua se pol notalo ne la orassion "Bona note - Bon Nadal" che la ga ne la final qualchi variante rispeto a la prima.
PADRE NOSTRO DE NADAL
Padre nostro de Nadal
par le àneme del ben pregar
par i vivi, par i morti,
e par quìi che xe risorti.
Mile tronbe, mile tronbe,
sunè forte par S. Piero,
par la Beate Caterina,
la Beata Madalena,
che portava tanta pena
che portava tanto dolor
che portava nostro Signor.
O bel Anzolo de Dio
cossa fa el figlio de Dio?
L’han batùo e strabatùo
co do ladri l’han ferìo
con tre ciodi l’inciodava
el publicano,
par el sole e par la luna
tre volte al dì se la dirai
di Santa morte morirai.
Ama Dio no falire
la più bela cosa la sai dire,
la sai dir co bona vose
ama Dio su la crose,
su la crose una colona
ama Dio e la Madona
la Madona siede in sièl
ama Dio e S. Michel,
S. Michel xe el re de i Santi
ama Dio e duti quanti.
Ne la sera de Nadal
Messa Messa ben cantare,
canta canta rosa fiore
l’è nassùo nostro Signore,
tra el bue e l’asinelo
con Giusepe xe Maria
e tanti Anzoli in conpagnìa.
Chi la canta sta preghiera
benedeta Gloria Santa,
ma se insieme a ti la digo
sarà gloria in Paradiso.
BONA NOTE - BON NADAL
Ama Dio non falire
fa prudensa un bon sentire,
un bon cuor ’na bona vose
ama Dio su la crose,
su la crose la colona
ama Dio e la Madona,
la Madona la xe ’ndada in sièl
ama Dio e S. Micel,
S. Micel xe el re de i Santi
ama Dio e duti quanti.
Bona note, bon Nadal,
canta, canta rosa fiore
xe nassùo nostro Signore.
A Betlemme in una stala
tra el bue e l’asinel
xe nassùo un pupo bel.
Chi la sa sta orassion
ben el fa,
e se insieme a ti la digo
Dio ne daga el Paradiso.
Sta qua xe ’na cansoncina in talian par i fantulini, penso cognossùa anca in altri paisi. A Maran la xe ancora cantada volentieri da le mame, o da le none, che i ghe la insegna volentieri ai fiòi de i nostri tinpi.
LA NOTTE DI NATALE
La notte di Natale
è nato un bel bambino
bianco rosso
e tutto ricciolino.
Maria lavava
Giuseppe stendeva
il bimbo piangeva
che fame aveva.
Sta zitto mio figlio
che adesso ti piglio
il pane non ho
ma il latte ti dò.
La neve cadeva
cadeva giù dal cielo
Maria col suo velo
copriva Gesù.
Maria col suo velo
copriva Gesù.
FILASTROCHE
Pater Noster piccinin
daghe la pappa al fantulin
no sta dàghela a la nona
che la xe ’na bruta lova,
che la magna i pumi coti
la rósega i rosegoti
la li miti soto el cavassal
par magnali sto Nadal.
TRE FRADèI
Gera tre fradèi
russi de cavéi
i lavoreva in arsenal
i faseva (o vendeva)
àlberi de Nadal.
Finisso co sto canto antico che go trovò in t’una casseta registrada de me mare, che la parla del Nadal. Senpre la me diseva che de zòvene la feva parte de la cantoria e sto qua el fa parte de i canti che la veva inparò ai so tinpi.
SANTO NATALE
Tutti ti aspettano
Santo Natale
quasi dimentico ogni mortale,
il cuore della società
è il buon Gesù
l’amor costante delle virtù.
Rit.
Lodate, lodate il Bambino
lodate, lodate il Banbin.
Ogni tuo prossimo è
è più vicino
il dì che naque Gesù Bambino,
gli Angeli scendono
con ali d’oro
un inno cantano
che allieta il cuor.
Rit.
Lodate, lodate il Bambino
lodate, lodate il Bambino.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Létera a Gesù Banbin
Co la confusion che ’l se catarà anca Lu là de sora, a go paura che ghe sia scapà de ocio le ùltime novità de tera, che lo riguarda da vizin. Me dispiasarìa che ’l vegnesse a saverle massa tardi: xe mèjo che ghe scriva...
de Mario Klein
|
