|
Teatro e Teatri
Giuseppe Adami
 | | Manifesto de l’òpera Turandot de G. Puccini, su libreto de G. Adami e R. Simoni. |
Credo che no’ i sia tanti quei che ga sentìo parlare de Giuseppe Adami, o che adiritura no i ghe ne gabia mai sentio parlare. Epure al xe stà un personagio tanto inportante par la storia de la comedia e soratuto par quela de la musica lirica. Vedo de scrìvare, un poco in struco, quela che xe stà la so atività, che lo ga fato deventare cussì tanto famoso ai so tenpi.
Giuseppe Adami el xe nato a Verona el 4 novenbre 1878. El se ga laureà in Lege a l’Università de Padova, ma el se ga dedicà, fin da subito, soratuto a la atività de scritore, conpositore de òpare teatrali e critico musicale.
Come autore de comedie el ghe ne ga scrite più de quaranta, ma tute de scarso valore artistico.
Qualche rifassimento, ma gnente de più, come La Ninetta del verziere, Arlecchino, La donna serpente.
Un fià mèjo xe ’ndà le comedie I Fioi de Goldoni (1913), La capanna e il tuo cuore (1913), Capelli bianchi (1915); ma la so notorietà de comediografo la xe vegnuda co’ le comedie Felicita Colombo (1935) e Nonna Felicita (1936), grassie anca a la straordinaria interpretassion de l’atrice Dina Galli.
Come critico musicale el ga colaborà co’ la rivista milanese La sera e da el 1931 al 1934 co’ la rivista La commedia, ma soratuto, e fin a la so morte (Milan, 12 otobre 1946), co’ el Gruppo Editoriale Ricordi.
La so celebrità xe scominsià co’ la so colaborassion co’ Giacomo Puccini, par el quale el ga scrito i libreti par le òpare La Rondine (1917 - insieme co’ Alfred Maria Willner e Heinz Reichert - rapresentà par la prima volta el 27 marso 1917 a Montecarlo), Il Tabarro (1918 - rapresentà par la prima volta el 14 dissenbre al Teatro Metropolitan de New York), Turandot (1924 - insieme co’ Renato Simoni - rapresentà par la prima volta el 25 aprile al Teatro de la Scala de Milan)1.
Ma el ga scrito libreti anca par altri conpositori: Riccardo Zandonai, par la so òpara La via della finestra (1919) - Vittadini, par le so òpare Anina allegra (1921 - insieme co’ L. Motta), Nazareth (1925), La Sagredo (1925), Fiammetta e l’avaro (1941 - insieme co’ G. Forzano) - par Mulè, par le so òpare La monachella della fontana (1923), Taormina (1938), La zolfara (1939).
E ancora: Manon (1922 - drama in 5 ati), La piccola felicità (1934), Provincia (1936), Paola Travasa (1939), Il brigante e la diva (1940), La figlia di Jefte (1943).
Inte ’l 1944 el ga scrito do radiocomedie in un ato: C’è sempre un compare e Gli Orazi e i Pancrazi.
Dopo la morte de Giacomo Puccini, inte ’l 1928 el ga publicà Epistolario, ‘na racolta de létare del gran Maestro, e inte ’l 1935 el ga scrito anca na biografia intitolà Giacomo Puccini; co’ ’sti scriti el xe deventà uno de i primi biografi de Puccini; gnancora straco, inte ’l 1942 el ga scrito ’na nova biografia intitolà Il romanzo della vita di Giacomo Puccini.
Giuseppe Adami el se xe ocupà anca de cinematografo, come senògrafo inte la realizassion de i film Felicita Colombo (1937 - ’na version de la so comedia) co’ la regìa de Mario Mattioli - Nonna Felicita (1936 - ’na version de la so comedia) co’ la regìa de Mario Mattioli - Chi è più felice di me (1938) direto da Guido Brignone - Il Carnevale di Venezia (1939) da lu stesso scrito e anca direto.
Come storico el ga scrito Giulio Ricordi e i suoi musicisti e i Ricordi di Dina Galli.
La so produssion la xe stà cussì tanto vasta che ’ncora ’desso ghe xe de i testi che no xe stà rapresentà.
Un genio che no’ el mèrita de èssare desmentegà.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
No la xe pi l’istà de na volta
Xelo l’omo che ga canbià el mondo o xelo el mondo che ga canbià l’omo? Fato sta che gnanca pi le stajon no le ghe someja a quele che se ghemo lassà a le spale. E che magari rinpianzemo…
de Mario Klein
Da Vicenza
Al Cenàcolo... se traduse in dialeto!
de Ines Scarparolo
Da San Bonifacio (VR)
Caro Dino, eco ’na scola col to nome…
La Scola Elementare de Brognoligo de Monteforte d’Alpone intitolà a Dino Coltro
de Enzo Coltro
|
