|
Editoriale
30 ani de dialeto
“Quatro Ciàcoe” la xe rivà al bel traguardo de i trenta ani de vita. Questo xe la dimostrazion che el dialeto no ’l xe na lingua de scarto e che se pol scanbiarse idee, rajonare de questo e de queo, far “quatro ciàcoe” a la bona, ne ’a lingua che ghemo inparà par prima in fameja
Nando ’vanti co l’età, có ghe xe, magari, na s-ciararola de testa, se ghe vede mèjo drento te le robe, e ’lora credo che, rivà a sto punto, el primo sentimento che vien spontaneo sia de fare on grande ringraziamento: a tuti quei che ga messo el so nome so ste pagine; a chi ga mosso on déo par girare le pagine e ne ga leto; a chi ne ga fato portare a i Veneti in giro pa ’l mondo, l’aria de casa e scaretà de ricordi, notizie, tradizion e usanze de la tera de i so avi; a chi ne ga jutà a stare in piè e a curarse le piaghe dopo calche scapuzon; a chi ga capìo la nostra bona fede quando podemo ’vere sbalià in calcossa; a chi ogni mese ga sostegnù la rivista, pagando on canton de na pàgina.
De sicuro, volendo e podendo, se gavarìa fato de mèjo, ma no essendo né professionisti, né inprenditori, ne siori… a ghemo senpre zercà de “tegnere la róta” – se dirìa oncò –, parché la barca no la ghesse da fare la fine de la Costa Concordia… E senpre con la sola mira de darghe ricostituente e dignità al nostro dialeto, che sarìa ora de poder ciamare lingua, a tuti i efeti, parché in trent’ani credemo de avere dimostrà che, soratuto le robe che conta ne la vita, le pole èssare dite, contà e scrite con quela che xe stà definìa la lingua del cuore, la lingua del late.
In dialeto a ghemo scrito e stanpà chilòmetri de storia e cultura vènete; ghemo incontrà e fato parlare on futìo de òmani e done; ghemo visità, fotografà e mostrà on “atlante” de paesi veneti; ghemo lassà sgorgare tute le vene poètiche de sto mondo; ghemo scoltà le cante de i mèjo còri de la nostra tera; ghemo rispolvarà parole, deti, proverbi, conte, tiritere e filastroche: tuto senza bisogno de tacare el musso dove che vole el paron.
In dialeto ghemo mostrà le beleze de l’arte, de la musica, de l’inzegno e de la natura; no se ghemo mai desmentegà o vergognà de le nostre raise cristiane, rispetando comunque el “pensiero altrui”; a ghemo conbatù la cativeria, l’egoismo, la violenza, la prepotenza e… el pessimismo, sostegnendo l’idea che la bontà, la generosità, la solidarietà, l’umiltà e la speranza le xe le ùniche armi che vinze la batalia de la vita.
Quante robe se pole fare col e in dialeto!
E alora qua dovemo ricordare, con un grazie speciale, quei che ga fato nàssare sta creatura. Questi i nomi del 1° nùmaro (dissenbre 1983), in parte vivi e altri no: Silvano Belloni, Francesco Dalla Pietra, Giovanni Milani, Luigi Nardo, Dino Durante, Licia Oliosi, Ugo Suman, Lorenzo Bedin, Mariuccia Bazzaro, Enrico Borgo, Busan, Lele Fanti, Aldo Filippi, Vittorio Ingegneri, Francesco Lanzillotta, Paolo Mei, Ric Osto, M. Luisa Scarpa, Arlechin, Piero Scato e Milosc Voutcinitch.
Grande riconossenza po’, tra i tanti che se xe, via via, zontà e che xe ’ndà ’vanti: al prof. Manlio Cortelazzo, Bepi Famejo, Gianni Soranzo, Gino Cadamuro Morgante, Angelo Sannevigo, Decio Soave, Lucillo Bianchi, Mario Ceccarello, Lia Pinelli Pontello, Maria Scarsi, Renato Trevisan e altri…
Co i colaboratori che oncora ’desso xe inpegnà… in sta aventura, se disemo de tegnere inpizà el fogo del nostro entusiasmo pa ’l dialeto, parché, se la lingua italiana ga l’Accademia della crusca, se possa dire che la lingua veneta ga la so Academia del semolin. E no xe poco!
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
30 ani de dialeto
“Quatro Ciàcoe” la xe rivà al bel traguardo de i trenta ani de vita. Questo xe la dimostrazion che el dialeto no ’l xe na lingua de scarto e che se pol scanbiarse idee, rajonare de questo e de queo, far “quatro ciàcoe” a la bona, ne ’a lingua che ghemo inparà par prima in fameja
de Mario Klein
Da Verona
Pajassi
Storia de gente seria che fa el pajasso, cioè el clown
de Lucia Cozzolino Masotto
Da la Marca
Nane Caregheta
’na màscara trevisana
de Emanuele Bellò
|
