Da Belun

Don Bruno Bersaglio

Don Bruno Bersaglio

Don Bruno Bersaglio (1914-2010). Da Il Gazzettino di Belluno del 31 Agosto 2010. Pagina riservà a le létere: IL RICORDO - LE BELLE PAROLE DI DON BRUNO BERSAGLIO - Ho imparato a conoscere don Bruno Bersaglio, nato a Salce il 28 marzo 1914 (casello ferroviario numero 80, appena sotto la chiesa di San Pietro) e morto lo scorso 18 agosto (era da tempo ospite di casa Kolbe) attraverso il suo storico libro sul treno. Ora che cammina su binari celesti, riporto a suo affettuoso ricordo, le prime pagine della prefazione: <> Firmà: Luigina Tavi (fia de ’n ferovier).
Senz’altro don Bersaglio podarìe ricordarlo anca co i so libri, co i so foli scriti a man (senpre versi in lingua) unidi a i libri che, co l’andar del tenp al me à regalà, come al scrive so le dèdiche, “con affetto fraterno”: Canto a San Donato - Poesie dal Cavallino - Da cieli a monti - Da piani a mare - Ad arco di luna, co so produzione, esauride, che no ò: Pez e busche in tempi vicini e lontani - Castelli e Ville di Cesio - Le Grotte di Senaiga - Lamon nella bufera 1943-45… Davero, carissimo don Bruno, “la penna e l’inchiostro” i é stati par ti de i veri amighi; scusa se te dae del ti, ma lo fae par al gran afeto che ancora ò, anca se i to binari adess i é celesti. A proposito de binari, par mi resterà senpre al to scrito che preferisse: “Al Treno”, parché, e ben te lo sa, al treno – la Vaporiera – l’é i odori… profumi, che me Papà senpre se portéa drio… Sa na roba? Proprio al 20 de majo de sto an 2012, doménega, l’é passà par Belun direto a Longaron al “Treno Storico”, storico parché co vagoni anteguera: banchete in legno, co Vaporiera 740, simile a la 380-022 che ben te à presentà so la copertina del to libro. Libro che anca sfojàndolo, no sò come te sie riussì a méterghe dentro precise notizie, idée, progeti, disegni, foto, descrizion de i vari laori… e le date – veramente storiche – l’arivo de la Ferovia, che ben ò registrà te la mente: Belluno 10 Novembre 1886 – Calalzo 18 Maggio 1914.
Vèrze al to libro: riporte quant se leze a pag. 80: In sommaria visione. “Dal primo Almanacco Veneto per il 1912 dalla Tipografia del Gazzettino di Venezia, attraverso uno stile animato e alquanto ampolloso, ci balza la visione d’insieme dei vari lavori per la Ferrovia del Cadore in una lunghezza di 42 chilometri, come si legge al fine del 1911, da Belluno al centro Cadore, presso il pittoresco torrente Molinà tutte le sponde rocciose del Piave sono squarciate dalle mine, e tagliate dal piccone di migliaia di operai, sotto l’assidua vigilanza di esperti assessori dei vari tronchi e la direzione generale del concessionario, il colonnello Contivecchi, già ufficiale dell’Esercito e già costruttore di altre ferrovie; e quindi come ripeto – abilissimo in colossali imprese del genere. Le molte gallerie, grandi e piccine, sono dovunque a lavoro inoltrato nel primo tronco Belluno-Longarone e volgono quasi al termine i principali manufatti, come i Ponti arditissimi del Maè, del Desedan e dell’ARDO.” E, dopo a pag. 84, eco la stazion feroviaria de Longarone, coinvolta e distruta nel disastro del Vajont. E… po’, carìssimo don Buno Bersaglio, eco, senpre co tute le notizie: “La ferrovia per Fadalto-Vittorio Veneto-Ponte nelle Alpi , La ferrovia del Cordevole-Bribano-Agordo, La ferrovia delle Dolomiti Calalzo-Cortina-Dobbiaco, Il sogno di una ferrovia Feltre-Cismon…” Perdóneme, don Bruno, se ò saltà via calcossa, ma qua co tuti sti binari…

Cartolina de me Papà par me Mama - 1920.

A proposito… torne so al “Treno Storico”, no te ò ancora dit dove che l’ò, o mèjo “avon spetà”… Alora senz’altro a la stazion al sarìe stat pi da “scena” ma par mi e me sorela Maria, senza quasi manco dìrselo, avon preferì spetarlo qua al “nostro passaggio a livello”, nostro parché l’é rente casa, basta traversar la strada, via Feltre, andar verso la cesa de San Gervasio-Protasio, a mèda strada, eco i binari… (da tosatela spetée al treno par saludar Papà có l’era in servizio…)
E, doménega, 20 magio, come te ò già dit, se era là a le ùndese, bonorive, par paura che al scanpesse via senza vederlo… có le canpane de la cesa le à tacà a sonar mezodì, eco avanzar la Vaporiera… Man che saludéa .. dirìe che l’é stat poc pi de an momento, ma an tut restà dentro… al ricordo de Papà fat pi vivo co sto “Treno Storico” e, có i binari i é restadi vodi “al casello ferroviario” bandonà, dirocà, de là de le sbare l’ò paragonà a na persona che capìa i nostri oci lustri e l’afeto che avon anca pa lu, “casel dementegà” che riesse a far pi vivo anca “al to ricord e… son tornada a casa, senza parlar, ma tute dói cercando de tranquilizar “Chico”, al cagnet, che, a dìrtela in confidenza, al fun che l’andéa alt, al fis-cio de la Vaporiera lo véa na s-cianta stralunà…

[torna sopra]