|
Editoriale
Cara la me fameja…
El tarlo del canbiamento a tutti i costi el continua a rosegare l’istituzion de la fameja. Forse xe ora de passarghe sora na man de antitarlo e farghe on bel restauro conservativo e de consolidamento a sto capolavoro d’arte storico-civile de inestimabile valore
 | Nessun rinpianto… e semo vissùi “contenti e felici”.
|
In sti ultimi tenpi a ghe xe on stravento che supia forte so la forma pi vecia de trasmission de la vita, da senpre rapresentà da l’union tra l’omo e la dona. Pare che ’desso no la sia pi cussì: la fameja sarìa solamente la soma de uno più uno… o de una più una, e el risultato finale corisponde senpre a “due”!
Ve sarì inacorti che xe on tòco che ’l tenpo tànbara intorno a l’idea de la fameja tradizionale. E dài oncò e dài doman, xe normale che possa croare zo na tenpestada de quele che ghe sbassa le rece anca al fromenton de raza. No ’l xe gnancora sucesso, ma xe mèjo che se preparemo casomài a contare i dani!
In nome de la libertà e de l’ugualianza ne toca védare che se vole incalmare on salgaro co on amolaro salvego. Che fruti vòto che vègna fora da on pastrocio del gènare!
El fato xe che se sta fasendo studi e ricerca e vien anca registrà qua da noantri sti tipi de inesto, ch’i xe de inportazion, parché i xe stà fati a l’èstero.
D’altronde, la circolazion de le merci nel mondo no se pole fermarla. Se no fusse stà portà qua da distante el mais, la patata mericana, la galina padovana… ne mancarìa calcossa de bon da gustare.
Xe anca pur vero che la natura no ghe domanda parmesso a nissun, se la decide de soterare la zima de on àlbaro e de inalzare le so raise verso el zielo. Tuto xe quindi possìbile a sto mondo: xe canbià el clima, se alza la tenperatura, se roersa le stajon. Ela la xe parona de farne destacare i pomi anca da na piopa!
Cossa podemo farghe davanti a sti canbiamenti “radicali”? Podemo inpedìrgheli? Podemo dirghe che xe sbalià? Che no semo par gnente d’acordo? Che la ga sconvolto le nostre conossenze de normalità? Che ne fa male sentire che da na pianta de anguria se otien le zuche?
Ben!... Se i canbiamenti vien da la natura, podemo solamente farghe savere el nostro inbarazo (par no dire el nostro disgusto) a védare che la permete che vègna inventà sti incalmi assurdi, che i òmeni xe pronti a copiare, disendo che “la natura lo permete”.
Ma sicome pensemo che pi che da ela dipenda da altri intendimenti umani, a la natura ghe ricordemo che a noantri la ne ga insegnà a destacare i pomi dal pomaro e le zuche da la zucara e che la ne ga inculcà che la vita vien fora da l’inesto de l’omo co’ la dona, ligà insieme da la stropa del matrimonio. On legante forte e che se lassa piegare, destacà da la pianta de la “dichiarazione universale dei diritti dell’uomo” che ga stabilìo che la fameja vien da l’union tra èsseri de sesso contrario.
Par chi sostiene e vole fare st’altro tipo de inesto ghe disemo che xe on so dirito domandare de agiornare la “dichiarazione universale”, ma no ghe xe bisogno de disturbare né la natura né la fameja tradizionale, se lori i ga bisogno de on inesto difarente.
In sto modo no nasse nessun rinpianto e tuti “vivremo felici e contenti”.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Cara la me fameja…
El tarlo del canbiamento a tutti i costi el continua a rosegare l’istituzion de la fameja. Forse xe ora de passarghe sora na man de antitarlo e farghe on bel restauro conservativo e de consolidamento a sto capolavoro d’arte storico-civile de inestimabile valore
de Mario Sileno Klein
Da la Bassa Padovana
On Santo ne la Bassa
Ricordi de on prete speciale, acoliente de là de ogni confine.
de Roberto Soliman
Da la Marca
I filotadori de San Martin
de Emanuele Bellò
Da Verona
Soride la vita… in poesia
de Lucia Beltrame Menini
|
