|
Da Gavello (RO)
El paloncino
A ghe sarìa da rìdare se no la fusse da piànzare.
 | | E sti carabinieri no i varda in facia nissun… |
A parlo de sta storia del “paloncino”, che tuti, carabinieri, polizioti e altra zente in divisa i xe prunti a farte supiare drento, par savere quante onbre ca te ga bevù.
Par mi l’è na esagerazion, a parlo in linea generale, s’intende, parchè a se sa che se uno el se ga inbronbà de vin, a no xe giusto che ’l vaga guidando par la strada. Ma se uno el se lìmita a na qualche onbreta, cossa vuòto che ’l possa fare de male? E inveze, la pare na gôera. Presènpio a sò de on vìgile in Sardegna, che dopo i lo ga mandà in te on paese del Trevisan, che ’l faséa el carogna co la zente. Na olta el se ga messo aposta a fermare tute le màchine de i invitati a on sposalizio, a zento metri dal ristorante. E lì el ga fato on desìo de multe e anca altre cativerie. Ma cossa pretèndelo, sto omo qua? Che i invitati i ghe diga “Viva i spusi!” bevendo ’ranciata o altra aqua incolorà? Insuma co’ xe massa, l’è massa!
A xe capità a Gavelo de uno che ’l ghea el vizio de lassare la so màchina ferma in strada anca de note. E na olta, ca ghe jera la fumara, on ragazoto el se ga inbricà contro sta màchina in sosta e alora el ga ciamà i carabinieri parchè el voléa i dani dal paron de la màchina. Rivà i carabinieri, el primo laoro ch’i ga fato l’è stà quelo de farghe supiare in te ’l “paloncino” a sto ragazo e po’ i ga sonà a la porta de Giorgio, ancora indormezà, par fàrghelo supiare anca a lu.
E mi, a dire la verità, a sirà anca par via del me laoro che, ora a go da rezitare, ora de tegnere sù la conpagnìa, ora a go na conferenza e bisogna ca vinza la me timideza, anca mi, come ca digo na qualche onbra a la bevo, co la paura che i possa farme supiare anca on fià solo drento el paloncino, che finora, ringraziando el Signore, a so’ propio contento ca no sia sucesso gnente de gnente par causa mia, da quanto ca so’ rispetoso de le règole de la strada.
Solo on mese fà, ca sirà stà squasi on bòto dopo mezodì, c’a ghea na fame da leon, a gnanca zento metri da casa mia, on omo el me ga traversà la strada senza fare el stop, e po’, anzichè frenare el ga celerà, butàndome adosso a on segnale ben cementà che mi a go dovesto destapare e butare in tera, rovinando tuto el davanti de la màchina, ca go on despiazere ca no ve digo.
E cussì a go ciamà i carabinieri.
E sti carabinieri i xe rivà, desmontando da la màchina col “paloncino” in man.
“Galo bevù?” a me ga domandà on carabinere tanto gentile.
“Machè! − a go risposto. − A go ancora da magnare e a so’ ancora a stómago nudo da jeri sira.” E dopo a go supià drento el paloncino, co na sodisfazion ca no ve digo, tanto più che el carabiniere el me faséa de moto che tuto jera a posto, co na felicità cussì granda da desmentegarme de l’incidente.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Festa de la Mama, sì, ma…
Se trata de na roba seria: na ricorenza civile celebrà in onore de la Mama,
ma poco de la maternità e del so valore sociale. Stemo ’tenti a no ridurla a na
abitudine o a on fato comerciale, dato che in Italia, nel 1956, la xe nata propio
in ocasion de la Fiera del Fiore de Bordighera.
de Mario Sileno Klein
Da Gavello (RO)
El paloncino
A ghe sarìa da rìdare se no la fusse da piànzare.
de Gianni Sparapan
Da Verona
Dài che ’ndemo al cine!
de Wanda Girardi Castellani
e Mirco Castellani
|
