|
Editoriale
Imigrati. Mandémoli via!?
La xe na question che ormai xe drio deventare vecia incancrenìa, la xe na malatìa crònica. La mancanza de regole precise par afrontare con serietà i problemi creà da l’imigrazion la fa nàssare ne la socetà difidenza, preocupazion e paura. Cossa fare?
Prima de tuto na considerazion che xe na domanda: “imigrazion” parché? Come xe possibile che in soli du giorni sia rivà su le coste siciliane 6.000 persone? Che se zonta a i oltre 20.000 da l’inizio de l’ano, senza tegner conto de quei che xe finìi in fondo al mare. Le considerazion da fare le xe tante e de pi.
Cossa xe che spinze sta massa de pori cristi a afrontare on viajo massacrante par rivare in Europa, metendo a ris-cio la vita? Pensemo che ghe sia varie cause che favorisse sto fenomeno migratorio.
Se sti èsseri umani no i resta a casa soa in Bangladesh, Somalia, Eritra, Etiopia, Nigeria, Costa d'Avorio, Guinea e altri Paesi de l'Africa Sub-sahariana, ne le so capane, nel deserto, tra le palme, ne la giungla, a l’onbra del minareto… ghe sarà on motivo. O tanti motivi che se pol ciamare fame, guere, malatìe, mancanza de libertà, question religiose, politiche, etniche, o le notizie che ghe fa savere che esiste altri Paesi, altri mondi, come quelo ocidentale, dove se pole sbarcare el lunario, dove esiste l’aqua dessavìa, dove vien curà le malatìe, dove… I strumenti moderni de informazion, de trasporti, de comunicazion ghe fa crédare che de là del mare, in Italia, in Europa i àlbari produse euro, sterline, dòlari… Alora val la pena ris-ciare, ghe sarà da tribulare, ma no la sarà mai pezo de dove che stemo.
Ghe xe i migranti piassè miseri che i viene sforzà da i Paesi d’origine a nare via; i manco poareti, in grado de pagarse el viajo, i xe atirà da l’idea e da la speranza de catare on laoro che ghe miliora le condizion de vita, opure de poder continuare i studi o farse na specialisazion.
Davanti al fenomeno de i sbarchi senpre pi in aumento, ghe xe pi de on “mea culpa” che ga da farse el nostro mondo ocidentale. No ghe vole mia i ociài da vista par lèzare le statistiche che dise che i ocidentali – on miliardo de persone e cioè manco del 20% de la popolazion del pianeta – i consuma l’80% de le risorse de la Tera. I altri zincoe miliardi de persone ga da rangiarse co le frégole che resta.
Disemo anca che i consumi de l’80% i xe in aumento, a descàpito del restante 20%, parché la logica ocidentale xe quela de produre par consumare e consumare par produre e quindi ghe ocore pi risorse. De conseguenza viene da pensare che, prima oncora de i frajèi naturali, a xe le nostre selte a provocare sti spostamenti de popoli. Prima de i aiuti economici in sti Paesi a ghe ghemo portà (e portemo) le armi, causa de guera, morte, fame e disastri. De chi xela alora la colpa?
Prima del caos atuale de la Libia, dificilmente i imigrati oltrepassava la costa africana e solo na minoranza tentava de rivare sul Vecio continente. Dopo Gheddafi ghe xe na baraonda tale che no ghe resta che ’bandonare tuto e scapare.
Stando cussì le robe, co tute ste repression, privazion, miseria, abusi e torture, xe da spetarse na invasion africana senza precedenti, parché el movimento migratorio risponde a la necessità de sopravivenza.
A sto punto le robe se cònplica a causa de quela pìcola parte de delinquenti – spaciatori, drogati, ladri, molestatori e prostituzion − che pròvoca proteste, difidenza, rifiuto e paura. Tuti xe d’acordo che questi i dovarìa èssare spedìi a casa soa. Ma, purtropo, la giustizia non funziona, le preson no basta; se po’ ghe zontemo la speculazion de qualchedun su la pèle de i imigrati, le robe se cònplica.
Na decision xe necessaria: sti “profughi-clandestini-richiedenti asilo” o li sistememo, li aiutemo, ghe insegnemo a stare al mondo, o… − no se la sentimo de dire: “Mandemoli via tuti!” – o ghe ne portaremo le conseguenze. E el Governo che no ’l staga far finta de no védare parché la solidarietà, da sola, no basta pi.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Imigrati. Mandémoli via!?
La xe na question che ormai xe drio deventare vecia incancrenìa, la xe na malatìa crònica. La mancanza de regole precise par afrontare con serietà i problemi creà da l’imigrazion la fa nàssare ne la socetà difidenza, preocupazion e paura. Cossa fare?
de Mario Sileno Klein
Robe de Ciósa
“El Cristo” de San Doménego
a cura de Angelo Padoan
|
