Padova viva

Aldo Rossi e la Ragione
Architetture 1967-1997

El Municipio de Borgoricco (PD).

El Cimitero Monumentale de San Cataldo (MO).

A poco pi de vint’ani da la so morte, na mostra celebra Aldo Rossi, internazionalmente riconossudo come uno de i maestri pi significativi de l’architetura contenporanea.
I so studi, i scriti, i progeti e le opere realisà in diversi posti del mondo i continua a tegnere in grande considerassion el so modo de fare architetura.
La mostra che vien fata al Palazzo de la Ragione, fin al 29 Setenbre 2019, organisà in colaborassion con la Fondazione Aldo Rossi e l’Associazione di Architettura, xe a cura de Chiara Spangaro, Cinzia Simioni e Alessandro Tognon e la propone na serie cronologica de circa dosento opere (disegni e modèi), in particolare: el Cimitero de San Cataldo (MO), el Teatro del Mondo, el Municipio de Borgoricco (PD) e l’Hotel Il Palazzo di Fukuoka.
Entrata: da la "Scala dei Ferri", piazza de le Erbe; per i disabili da via VIII febbraio.
Orario: da marti a doménega, 9.00-19.00, sarà i luni non festivi. Bilieti: intiero euro 10,00, ridotto euro 8,00, over 65, grupi de 10 persone, zóvani da i 18 a i 25 ani, euro 6,00; tosi da i 6 a i 17 ani e scole euro 4,00. Informassion: tel. 049 8205006.

[torna sopra]