Rovigo viva

Rivive la Quercia de Dante

La pitrice tedesca Brigitte Brand e el so grande quadro su Dante.

Da quelo che restava de un albero cascà dopo un forte tenporale, ne la note tra el 24-25 giugno 2013, jera nato un pìcolo buto, deventà na piantina, che ’desso xe stà strapiantà, el 5 de marso passà, al Centro Visite de San Basilio, nel comune de Ariano Polesine.
Se trata del zóvane “virgulto”, nato da le raise de la “Grande Rovra”, la “Quercia di Dante”, e inpiantà dal Comune de Ariano e la Fondazione Cassa di Risparmio di Padova e Rovigo, par celebrare el Sètimo Centenario de la morte de Dante Alighieri.
La nova quercia la cressarà e, se la gavarà fortuna, la continuarà a ricordare la storia del Poeta che nel 1321, esséndose perso, de note, inte ’l bosco “tenebroso”, el se xe ranpegà sora la pianta par catare l’orientamento.
“Quello che questa piantina rappresenta – ga dito tra l’altro Luisa Beltrame, sindaco de Ariano – è un investimento sul futuro di questa terra e del mondo. Vogliamo sperare che la nostra quercia avrà lunga, lunghissima vita: almeno quanto la sua antenata.”
Con l’ocasion, Giuseppe Toffoli, Vice Presidente de la Fondazione, ga anuncià el dono al Comune de Ariano del grande dipinto de Brigitte Brand, che ilustra el legame tra Dante e la Grande Quercia.
Informassion: per la Fondazione, Alessandra Veronese - cel. 348 311 11 44, e Roberto Fioretto - tel. 049 8234800. Uf. Stampa: Studio ESSECI, Sergio Campagnolo tel. 049.663499.

[torna sopra]