Padova viva

Mario Pinton
Gioielli, sculture e poesia

Fin al 3 de lujo 2022 le sale del Museo Eremitani le ospita na mostra dedicà a Mario Pinton, artista padovan che xe stà el “pioniere” de la nova giojelerìa in Europa e nel mondo e che ga dà inissio a la Scola orafa padovana, famosa per elegansa e creatività. Ne la mostra, promossa da l’Assessorato a la Cultura e da l’Associassion Amici del Selvatico, a cura de Luisa Attardi e Mirella Cisotto Nalon, co ’l sostegno de la Fondazione Cassa di Risparmio di Padova e Rovigo, xe presenti più de cento opere de Pinton, de dó alievi: Francesco Pavane e Graziano Visintin, e de artisti come Hermann Junger, Manuel Capdevila, Max Frölich, Klaus Ullric e Yasuki Hiramatsu. El Maestro Pinton ga savudo canbiare el significato del “gioiello”, portàndolo da la funsion de ornamento a quela de opera artistica, metendo in risalto la legeressa e el fàssino de l’arte greca, etrusca e romana. Conpagna la mostra un interessante catalogo (Skira edit.) con interventi de Elio Armano, Virginia Baradel, Luisa Bazzanella, Marco Bazzini, Mirella Cisotto Nalon, Fritz Falk, Giuseppe Furlanis, Nicola Galvan, Marta Nezzo, Ramon Puig Cuyàs, Elisabetta Vanzelli e Isotta Visintin. Orario: 9.00-19.00, sarà al luni non festivo; informassion: tel. 049 8204551 e cultura@comune.padova.it

[torna sopra]