Da Maran Lagunare (UD)

Proverbi sora l’aqua del mar

Cartolina de i primi del '900.

1. In mar no sta ’ndà, se no te sa Dio pregà.
2. A Pifanìa, el pesse vien a la via.
3. In Febraio cò spunta la canela, la pàssara vien bela.
4. A S. Valentin (14 Feb.), la rassa la va spasso col mazurin.
5. A Marso co le prime piovete, riva le crecolete.
6. Undisin de marso, nega cristiani (si dice perché di solito c’è cattivo tempo).
7. Se te vol magnà un pesse gentile, magna la sepa al mese de Aprile.
8. Par S. Vio, minestra co i caparòssoli, un magnà de Dio
9. Setenbre el promiti còcole, castagne, masanete, stivài e manesse.
10. Par S. Simon (28 Ott.) el vento sbrega le vele e rienpi el timon.
11. Par i Santi, i gransi i xe bianchi.
12. Par i Santi, tira fora manesse e guanti.
13. Par San Martin, cala el grando e ’l picinin (si riferisce al pesce)
14. Par S. Caterina (25 Nov.) xe mèjo ’na canocia che ’na galina.
15. Par S. Caterina el giasso par la marina.
16. Quando che la cana la punzi, la pàssera la unzi.
17. Cò no xe gransi, se magna sate.
18. Se se scurissi la marina, magna, bivi e sta in cusina.
19. Chi dormi no ciapa pesse.
20. Quando che l’aqua cala e bonassa el vento, el pescaòr dormi contento.
21. Se te vol gesse inteligente e san, magna el pesse de Maran.
22. El mar se alsa, se sbassa, se insechissi, ma mai no ’l se esaurissi.
23. Xe mèjo gesse paruni de ’na sessola, che òmini de nave.
24. In Paradiso sogno de magnà pan de oro, polenta e pesse frito.
25. Quando che in mar xe ventisel, la barca fa marusèl (dondolio).
26. ’Na roba vera de gesse, che se deventa inteliginti col fòsforo del pesse.
27. Rosso de sera e ciaro de matina col sol, ralegra el pescaòr.
28. Presto in pescarìa, tardi in becarìa.
29. Se con l’òspite te vol fa bona figura, daghe de magnà zupa de pesse, polenta e boreto, capume e fritura.
30. Luna sentada marinaio in pie.
31. Siroco de matina, sporco in marina.
32. Co l’amo se ciapa el pesse, l’omo co l’interesse.
33. Se la barca la xe rota, no servi la sèssola.
34. L’omo che parla sensa criterio, el buta a fondo un bastimento.
35. Par gesse un bravo pescaòr, ghe vol suòr.
36. Parché la barca no la vaga in malora, làvala senpre de pope e de va.
37. L’òspite el xe come el pesse: dopo tre zurni e spussa.
38. Navilio grando, pensier grando.
39. Se te vol un amico bon e de cuor, fate amico co un pescaòr.
40. El pesse "nono" no lo magna gnanca i gransi.
41. El vento de lavanterassa (di levante) quel che ’l trova el lassa e del pescaòr maranese el fa ’na scovassa.
42. Chi che pesca par goiti i sarà senpre povariti, chi che pesca par sievolame i sarà senpre morti de fame.
43. Quel che xe, xe in barca. (si dice quando una situazione non si può cambiare)
44. El xe un gò! (è poco intelligente.)
45. Gesse un cogòl de foravia. (Non essere considerati)
46. Tirà i rimi in barca. (Decidersi di ritirarsi.
47. El pesse che se fa pescà de ti, el xe orbo, sordo e muto. (Si dice ad un pescatore che non è scaltro nel suo lavoro.)
48. Pescaòr de aqua dolse! (Come sopra)
49. Sto pesse el ga la coa de oro. (Si dice di un pesce pregiato, difficile da pescare.)
50. Quatro gera le robe inportanti pal pescaòr de na volta: la mota, el casòn, la stiavina, el pajon.



[torna sopra]