|
Editoriale
El ricordo ’juta a vìvare
Guài desmentegare el passato, spece quelo propio, fato de tenpi, de date,
de fati, de traguardi co’ vitorie e sconfite, intarsià de incontri, de afeti e sentimenti,
de persone care, de fameja... Senza de tuto questo vol dire fare la fine del figaro
ch’i ghe ga tajà le raise parché no ’l dava pi fruti. Davero na bruta fine!
Questo xe giusto el mese del ricordo e de la nostalgia. On mese che ne invita a alzare i oci verso l’alto e verso el basso. Là e qua a incontremo tanti nomi e tanti volti, tante storie de vita e de morte, conossùe diretamente o sentìe racontare e che xe restà so ’l fondo de la sporta che se portemo drio ogni giorno.
La stajon la xe la pi propissia, la pi indovinà par via de l'autuno e de tuta la natura che pare triste e malinconica propio par ricordare i defunti: "coloro che ci hanno preceduto nel segno della fede e dormono il sonno della pace", quei che ga fato parte de la nostra vita e quei che xe nà in desméntega, parché i ga caminà so sta tera come le nuvole in celo, senza ’assar segno.
Par fortuna che, ora ’desso ora dopo, come se pol lèzare so le pagine de on mensile come el nostro, co on raconto o na poesia, vien fato ricordo de ste “nuvole”. Non solo par slongarghe la vita, pa ’l poco o tanto ch’i ne ga lassà, ma soratuto par quelo che i ne ga insegnà, parché nessuna creatura ga vissùo inutilmente: miseri, incolti o leterati, i ga senpre ’vù na so funzion nel tenpo e nel logo che i se ga catà a vìvare. Da tuti quanti salta fora calcossa de ùtile anca par el nostro tenpo: virtù, valori, esperienze, tradizion che pol farne ’ncora scola.
Ma, come se pol coltivare la magìa del ricordo, come se fa a trasformarlo in medesina che ’juta a vìvare e magari conbate la solitudine?
El scritore e giornalista Gabriel Garcìa Màrquez el ga scrito: “La vita non è quella vissuta, ma quella che si ricorda e come la si ricorda per raccontarla”, come se, in realtà, no féssimo altro che ripètare, in forma diversa, quelo che xe za stà fato da altri.
Ghe xe chi tenta de convìnzarne che “il passato è passato”. Gnente de pi falso: el passato, “con luci ed ombre”, co le so paturnie e le so s-ciaranzane el xe drento el nostro presente. Xe senpre ben visitarlo, senza inutili rinpianti e senza vardare solamente indrìo. Bisogna coltivare el ricordo con serenità e naturaleza, senza sprecarlo e co ’l gusto de farlo. Mai ciapare paura se ’l porta on fià de malinconia pa ’l tenpo che passa: no ghemo da sentirse prigionieri del tenpo e condanà a córarghe drio al moment qui s’envole, a l’àtimo che se sfanta.
Xe ben fadiga però, nel tenpo che vivemo, coltivare l’amore pa ’l passato e par i ricordi: se ris-cia de restare fora s-ciapo e de vegnere messi da parte da l’onda longa de la pressia, de le ocasion che bisogna ciapare al volo, del tenpo da spèndare non inporta come. Vivendo solo nel presente, se va avanti senza memoria e senza slancio verso el futuro.
Tuti podemo ricordare. Tuti ghemo robe da ricordare. Tuti semo inpregnà de na memoria che inpasta le nostre esistenze. Ghe sarà i ricordi tristi e parfin da desmentegare. Cossa femo? I cancelemo? Sarìa anca belo poderlo fare, ma la vita no la sarìa pi quela. Pitosto provemo a resentarli te ’l torente del tenpo, e cussì anca la memoria de persone care che ne ga lassà le rendemo vive, podemo parlarghe e magari confrontarse. Cussì salvemo le raise de la nostra pianta e podemo vardare al futuro.
Ricordémose che sprecare el ricordo, cancelàndolo dal nostro orizonte, xe come butare via on tòco de la nostra vita.
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
El ricordo ’juta a vìvare
Guài desmentegare el passato, spece quelo propio, fato de tenpi, de date,
de fati, de traguardi co’ vitorie e sconfite, intarsià de incontri, de afeti e sentimenti,
de persone care, de fameja... Senza de tuto questo vol dire fare la fine del figaro
ch’i ghe ga tajà le raise parché no ’l dava pi fruti. Davero na bruta fine!
de Mario Sileno Klein
Da la Bassa Padovana
Spèndare par sparagnare!
Sconti e Saldi, Black Friday, Oferte Speciali, Svuoto Tutto!, Mercatini senpre e so tute
le piazze: tuto ne invita a spèndare le coatro palanche de la paga o de la pension!
de Roberto Soliman
Ricorense
La tenpesta Vaia
Xe passà romai un ano dal disastro de vento e de aqua che ga butà par tera
mejari de àlbari e provocà dani par quasi tre miliardi de euro.
de Giordano Dellai
Da Verona
On nono speciale
de Lucia Beltrame Menini
|
