|
Editoriale
E ’desso la storia se ripete…
Quando se dise “coincidenze”… in sto caso, no quela de rivare co on treno e ciapàrghene subito nantro, ma nel caso de “robe che se ripete”, a distanza de ani, che no te te spetavi. Dopo 77 ani de pace, torna la guera; dopo 12 ani che Quatro Ciàcoe jera rivà al colore, ne toca tornare al bianco e nero. E questo no xe tuto…
Strana coincidenza quela che gavì leto a pagina 43 del nùmaro de Aprile, ne l’articolo del nostro bravo Antonio Corain che, rumando… tra i giornài e le robe vece mucià dapartuto e che xe la disperazion de so mojere Marisa, el ga tirà fora tri casi che, a distanza de ani i se ga ripetù: la margherita co ’l boton dopio (documentà nel 1914 e ’desso nel 2022); l’esplosion tra i grataceli de New York (del 1942 a causa de i colpi de canon sbarà par sbalio da na nave ’mericana e l’atentato aereo terorìstico de l’11 setenbre del 2011); l’uso de le mascarine (prima quele antigas de i soldà de la Grande Guera, ’desso quele par difèndarse dal bao del coronavirus).
Senpre par coincidenza, dopo che Quatro Ciàcoe de Majo 2010 la xe vegnù fora par l’ultima volta stanpà in bianco e nero e, da Giugno 2010, la xe deventà tuta a colori, adesso, come i nostri colaboratori za sa, la torna a essare stanpà tuta in bianco e nero.
No se trata de guadagno o mancanza de sensibilità da parte de l’Editore, ma de conti a la man: el prezzo de la carta ga superà de l’80% quelo de l’ano prima; difati xe scopià “la guerra della carta”, dovùa a la scarsità de celulosa. La carta ga sostituìo la plastica; xe aumentà el prezzo de luce e gas; la pandemia ga colpìo la produzion de le materie prime e ga messo in crisi i trasporti.
A questo se zonta l’aumento del costo de le lastre de pionbo per la stanpa litografica; i abonamenti a la rivista ga subìo on calo enorme: veci letori che xe morti, calo de intaresse par la cultura, no ghe xe la publicità.
Go dito tuto questo par far capire che l’Editore, fin che ’l ga podesto jutarne, el lo ga fato, parché la stanpa xe el so mestiere, parché l’amicizia co le persone che semo tuti noantri che colaboremo a la rivista la vien prima de tuto, ma… quando la bónbola de l’ossigeno la xe finìa, i aiuti par tegnere in vita el o la “paziente” i xe pochi e difìssili.
Ma non inpossìbili: par questo Arte Stampa ga pensà, par el momento, de rinunciare al colore e, a partire dal nùmaro de Giugno, de cavare altre 12 pagine, passando da le atuali 44 a 32 pagine.
Cossa xe che pol fare i colaboratori de Quatro Ciàcoe? Zercare dapartuto abonamenti; fare, da subito, articoli pi curti, par védare se su dó careghe podemo farghe sentare tre persone!
I ga dito che l’amore vinze tuto. Acetemo la sfida e vedemo se, l’amore dimostrà fin ’desso ne i confronti del nostro dialeto veneto el xe oncora bon de tegnere in piè la rivista, in sto momento de “guera de ogni tipo”. No se disemo altro, fora che ricordarse che:
“Podemo salvarse solo insieme!”
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
E ’desso la storia se ripete…
Quando se dise “coincidenze”… in sto caso, no quela de rivare co on treno e ciapàrghene subito nantro, ma nel caso de “robe che se ripete”, a distanza de ani, che no te te spetavi. Dopo 77 ani de pace, torna la guera; dopo 12 ani che Quatro Ciàcoe jera rivà al colore, ne toca tornare al bianco e nero. E questo no xe tuto…
de Mario Sileno Klein
|
