Da Maran Lagunare (UD)

Mèjo un funeral a Maran…

Interno de la cesa de Maran, dedicà a San Martino Vescovo.

Un funeral a Maran…

El simiterio de Maran.

Colpa del virus, come se i vissi paura de ’ndà su i davanti a San Piero quìi che i muri someja come i se ciamissi posta ’ndà de oltra insieme. Ma no volevo parlà de sta roba za contada, ma del dito che xe ’ncora a Maran, dito doprò anca da don Elia ani fà in un articolo sul giornalin La voce della laguna: “Val più un funeral a Maran, pignanca na festa in altri paisi.” Pa’ dì el vero, sta roba la disi anca i foresti che i càpita a Maran ’ntel mentre che i vidi el funeral.
Con sto bastardo de virus no se sa come e né ’ndove che ’ndaremo a finì! Passài otantatrè, anca se sò che vegnarà anca par mi quel zorno, “spero de gesse senpre mi a conpagnali fin ’ntel ponte”, vevo pensò ’ntel mentre.
<> veva dito l’Ermes, intanto che, a la bonassa de la piova, con la schena pusada sul muro de Stiaveto spetèvomo che rivissi la carossa funebre.
<>
<> vevo dito curioso. <>
<>
<> fa Ermes.
Anca quel zorno i movimenti i gereva conpagni: la carossa con drento la cassa la ferma a spetà che i parinti i vissi pusò le màchine in parchegio. Intanto, Nini Pavan davanti, co ’l Cristo in man el scuminsia la fila.
Anca sta volta vedo me conpare Severino Talian par la banda drita e ’l Severino Radi par quela sanchera che i lo afianca. Guai! I se rabieva se qualchidun ghe robeva el posto, veva de gesse luri a scuminsià la fila davanti. Po’ nantre drio e drento el piovan con i gasiti, e dopo i dó o quatro confaluni secondo l'inportansa del morto, la carossa co i parinti e le done che le segui dadrìo ingrumàe.
La funsion la dura squasi na ora, salvo che ’l morto no ’l gabia vadagnò più de altri, e alora... ’Pena fora de cesa con la canson In paradiso ti conducano gli angeli conpagnemo la carossa, intanto che Nini Pavan davanti, somejeva come che ’l contissi i passi che mancheva pa’ rivà al ponte.
Co i sànduli verti e i calsini maron, a ogni passo Nini el puseva el taco davanti la ponta de l’altro sàndolo, fasendo cussì fin rivà ntel molo de la pescarìa ’ndove che davanti el ponte prima de ciapà la strada pa’ ndà in simiterio, ghe femo l’ultimo saludo.

[torna sopra]